މަނިޕާލް ހޮސްޕިޓަލަށް އަލުން އާސަންދަ ދީފި
މަނިޕާލް ހޮސްޕިޓަލުން ދެމުންދާ ހިދުމަތްތަކުގެ އަގު ބޮޑުވުމުން އާސަންދައިގެ ހިދުމަތް ކަނޑާލާފައިވަނީ ޖުލައި، 2024 ގައެވެ.
މަނިޕާލް ހޮސްޕިޓަލުން ދެމުންދާ ހިދުމަތްތަކުގެ އަގު ބޮޑުވުމުން އާސަންދައިގެ ހިދުމަތް ކަނޑާލާފައިވަނީ ޖުލައި، 2024 ގައެވެ. ނަމަވެސް އޭރު އެ ހޮސްޕިޓަލުން ހިދުމަތް ހޯދަމުންދިޔަ މީހުންގެ އާސަންދަ ކަނޑާލާފައެއް ނުވެއެވެ. ހުއްޓައިލީ އަލަށް އާސަންދައިގެ ދަށުން އިތުރު މީހުން ފޮނުވުމެވެ.
ބައެއް ނޫސްތަކަށް މައުލޫމާތު ދެއްވަމުން އާސަންދަ ކުންފުނީގެ މެނޭޖިން ޑިރެކްޓަރު އާމިނަތު ޒީނިޔާ މިއަދު ވިދާޅުވެފައިވަނީ އަގުތައް ކުޑަކުރުމަށްފަހު އަލުން މަނިޕާލް ހޮސްޕިޓަލާއެކު އެގްރިމެންޓް ހަދާފައިވާ ކަމަށެވެ. އެހެންކަމުން އެއްބަސްވެފައިވާ ހިދުމަތްތައް އަލުން އާސަންދައިގެ ދަށުން ލިބެމުންދާނެ ކަމަށް އޭނާ ވިދާޅުވެފައިވެ އެވެ.
ކުރިން އެންސްޕާގެ ސީއީއޯ ހީނާ ވަލީދު ވިދާޅުވެފައިވާ ގޮތުގައި ހިދުމަތްތަކުގެ އަގު ބޮޑުވުމުގެ އިތުރުން އެހެނިހެން ގޮތްގޮތުން ވެސް ހޮސްޕިޓަލަށް އިތުރު ފައިސާ ދައްކަން ޖެހުމުގެ ޝަކުވާ ދިވެހީން ކޮށްފައިވެ އެވެ. އަދި ފަރުވާގެ އެކި މަރުހަލާތަކުގައި ދައްކަން ދިއުމުން އިތުރު ފައިސާ ނަގާ މައްސަލަ ތަކެއް ވެސް ފާހަގަ ކުރެވިފައިވާ ކަމަށް އޭރު ހީނާ ވިދާޅުވެފައިވެ އެވެ.
އާސަންދައިގެ ދަށުން އެންމެ ބޮޑު ހޭދައެއް ކުރަނީ އިންޑިއާގެ ހޮސްޕިޓަލްތަކަށެވެ. އެ ހޮސްޕިޓަލްތަކުގެ އާމްދަނީ ގައި ދިވެހި އާސަންދަ ފައިސާގެ ދައުރު ބޮޑެވެ.
ސަރުކާރުން ވަނީ އިންޑިއާ / ލަންކާގެ އިތުރުން ބެންކޮކާއި ޔޫއޭއީ ފަދަ ގައުމުތަކަށް ވެސް އާސަންދަ ފުޅާކުރުމަށް މަސައްކަތް ފަށާފަ އެވެ.
ކޮމެންޓް
Republic of Maldives