ދުނިޔޭގެ ބޮޑެތި އެއާލައިންތަކުން އިސްރާއިލަށް ކުރާ ދަތުރުތައް މެދުކަނޑާލަނީ

މެދުއިރުމަތީގެ މަޝްރަހު ގޯސްވެ، އީރާނަށް ހަމަލާއެއް އަތުވެދާނެކަމުގެ ބިރު ބޮޑުވުމާ ގުޅިގެން ގިނަ އެއާލައިންތަކުން މެދުއިރުމަތީގެ ދަތުރުތައް މެދުކަނޑާލަން ފަށައިފި އެވެ. 

ދުނިޔޭގެ ހަބަރުފަތުރާ ނޫސްތަކުގައިވާ ގޮތުން އެމެރިކާއިން އީރާނަށް ހަމަލާދީފާނެ ކަމަށް ބަލައި ނެދަލޭންޑްސްގެ ގައުމީ އެއާލައިން ކޭއެލްއެމް އާއި ފްރާންސްގެ އެއާފްރާންސް ވަނީ އިން އިޒްރޭލާއި ގަލްފްގެ ބައެއް ގައުމުތަކަށް ކުރާ ދަތުރުތައް ކުއްލި ގޮތަކަށް ވަނީ ހުއްޓާލައިފަ އެވެ.

ކޭއެލްއެމް ވަނީ އިޒްރޭލުގެ ތަލް އަބީބަށް މިރޭ ކުރަން އޮތް ދެ ފްލައިޓެއްގެ އިތުރުން، ސައުދީ އަރަބިއްޔާ އަދި ޔޫއޭއީ (ދުބާއީ) އަށް ކުރާ ދަތުރުތައް ވެސް މެދުކަނޑާލާފަ އެވެ.

ދަތުރުތައް މެދުކަނޑާލި ސަބަބެއް ސީދާ ނުބުނި ނަމަވެސް، ރިޕޯޓްތައް ބުނާގޮތުން މިއީ އީރާނަށް އެމެރިކާއިން ހަމަލާއެއް ދީފާނެ ކަމަށް ބެލެވޭތީ، ސަލާމަތީ ފިޔަވަޅެއްގެ ގޮތުން ނިންމި ނިންމުމެކެވެ. 

މި ނިންމުމާއެކު އިތުރު އެއާލައިންތަކުންވެސް ވަނި އިޒްރާއިލަށް ދަތުރުތައް ހުއްޓާލަން ނިންމާފ އެވެ. މި ފިޔަވަޅު އަޅާ އެއާލައިންތަކުގެ ތެރޭގައި ލުފްތަންސާ އާއި ބްރިޓިޝް އެއާވޭސް ފަދަ އެއާލައިންތައްވެސް ހިމެނެ އެވެ.