މަޓާޓޯއެކު ސައުދީ ޓްރެވަލް މާކެޓްގައި ބައިވެރިވުމުގެ ފުރުސަތު

ސައުދީ އަރަބިއްޔާގައި ބޭއްވުމަށް ހަމަޖެހިފައިވާ އެންމެ ބޮޑު އެއް ޓްރެވަލް ފެއަރ ކަމަށްވާ ސައުދީ ޓްރެވަލް މާކެޓް  (އެސްޓީއެމް) ގައި ބައިވެރިވުމުގެ ފުރުސަތު ރާއްޖޭގެ ފަތުރުވެރިކަމުގެ ދާއިރާގެ ވިޔަފާރިތަކަށް މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ހުޅުވާލައިފި އެވެ.

ސައުދީ އަރަބިއްޔާގައި ހުންނަ ދިވެހި އެމްބަސީއާއި "ވިޒިޓް މޯލްޑިވްސް" އާ ގުޅިގެން މަޓާޓޯ އިން މި ފެއާގައި ބައިވެރިވަނީ ރާއްޖޭގެ ރަސްމީ މަންދޫބެއްގެ ގޮތުގަ އެވެ. މި ފެއާ ކުރިއަށްދާނީ 29 އިން 31 މާރިޗު 2026 އަށް، ސައުދީގެ ވެރިރަށް ރިޔާދުގައެވެ.

ފެއާގެ މުހިންމުކަން - ސައުދީ ޓްރެވަލް މާކެޓަކީ މެދުއިރުމައްޗާއި ޖީސީސީ ސަރަހައްދުގެ ފަތުރުވެރިކަމުގެ ދާއިރާގެ އިސް ފަރާތްތަކާއި ބައްދަލުކޮށް ވިޔަފާރީގެ ގުޅުން ބަދަހިކުރުމަށް ލިބޭ އެންމެ ބޮޑު އެއް ބީޓުބީ ފެއާ އެކެވެ. މިއީ ރާއްޖޭގެ މަގުބޫލުކަން އެ ސަރަހައްދުގައި އިތުރުކުރުމަށް ލިބޭ ރަން ފުރުސަތެކެވެ.

މި ފެއާގައި މި ހަރަކާތުގައި ބައިވެރިވުމުގެ ފުރުސަތު ރާއްޖޭގެ ފަތުރުވެރިކަމުގެ ހުރިހާ ދާއިރާއަކަށް ވަނީ ހުޅުވާލާފައެވެ. މީގެ ތެރޭގައި ހިމެނެނީ ރިސޯޓުތަކާއި ހޮޓާތައް އަދި ގެސްޓްހައުސްތަކާއި ސަފާރީތައް އަދި ޓްރެވަލް އެޖެންޓުންނާއި ޓުއަރ އޮޕަރޭޓަރުން

މި ފެއާގައި ބައިވެރިވާ ފަރާތްތަކަށް ހާއްސަ އަގުތަކެއް ހަމަޖެހިފައިވާއިރު، މަޓާޓޯގެ މެންބަރުންނާއި ވިޒިޓް މޯލްޑިވްސްގެ މެންބަރުންނަށް އިތުރު ފަސް ޕަސެންޓުގެ ޑިސްކައުންޓެއް ލިބޭނެ ކަމަށް މަޓާޓޯ އިން ބުނެ އެވެ.