ހާފިޒުންގެ ދަސްވެނިވުން ރޯދަމަހުގެ 12ވަނަ ރެއަށް އަވަސްކޮށްފި

ހާފިޒުން ދަސްވެނިވުމަށް ބާއްވާ މިއަހަރުގެ ޖަލްސާ ރޯދަމަހުގެ 12 ވަނަ ދުވަހުގެ ރެޔަށް އަވަސްކޮށްފި އެވެ.

ހާޒިފުން ދަސްވެނިވުމަށް ހާއްސަ ޖަލްސާއެއް އެންމެ ފުރަތަމަ ބާއްވާފައިވަނީ މިދިޔަ އަހަރުގެ ރޯދަ މަހުގެ 27 ވިލޭރެ އެވެ. އަދި ކޮންމެ އަހަރަކުވެސް އެ ޖަލްސާ އޮންނާނީ ރޯދަމަހުގެ 27 ވިލޭރޭ ކަމަށް އެ ޖަލްސާގައި ވާހަކަ ދައްކަވަމުން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެފައިވެ އެވެ.

ނަމަވެސް ރޭ މިނިސްޓަރު ވިދާޅުވީ ހާފިޒުން ދަސްވެނިވާ ހަފްލާ މިއަހަރު އޮންނާނީ ރޯދަ މަހުގެ 12 ނުވަތަ މާޗް މަހުގެ އެއްވަނަ ދުވަހުގެ ރޭ ކަމަށެވެ. ޖަލްސާ އަވަސްކުރި ސަބަބު ހާމަކޮށްފައެއް ނުވެ އެވެ.

މިދިޔަ އަހަރު ބޭއްވި ޖަލްސާގައި 24 ހާފިޒަކު ވަނީ ދަސްވެނިވެފަ އެވެ. މިއަހަރު އޮންނަ ޖަލްސާގައި 30 ހާފިޒުން ދަސްވެނިވާނެ ކަމަށާއި 42 ހާފިޒަކު ރައީސުލްޖުމުހޫރިއްޔާގެ މެޑަލް ހާސިލްކުރާނެ ކަމަށް މިނިސްޓަރު ވަނީ މީގެ ކުރިން ވިދާޅުވެފަ އެވެ.

ސަރުކާރުން މިހާރު ވަނީ ހާފިޒުންނަށް ދޭ އެލަވަންސް ވެސް ބޮޑުކޮށްފަ އެވެ. އެގޮތުން މިހާރު ހާފިޒުންނަށް ދެމުންދަނީ 4000ރ. ގެ އެލަވަންސެކެވެ. އޭގެ ކުރިން ދެމުން ދިޔައީ 2000ރ. ގެ އެލަވަންސެކެ