ކައުންސިލް އިންތިހާބުގައި ޖޭޕީގެ ތާއީދު ޕީއެންސީއަށް

ކުރިއަށް އޮތް ލޯކަލް ކައުންސިލް އިންތިޚާބުގައި ވެރިކަން ކުރާ ޕީއެންސީއާއެކު މަސައްކަތް ކުރުމަށް ޖުމްހޫރީ ޕާޓީ (ޖޭޕީ) އިން މިއަދު ނިންމައިފި އެވެ.

ޖޭޕީގެ ލީޑަރު ޤާސިމް އިބްރާހީމް ރިޔާސަތު ބެލެހެއްޓެވި އެ ޕާޓީގެ ކައުންސިލް ބައްދަލުވުމުގައި ނިންމާފައިވަނީ، އަންނަ އޭޕްރީލް މަހު ބާއްވާ އިންތިޚާބުގައި އެ ޕާޓީން ކެނޑިޑޭޓުން ނެރޭނީ ހަމައެކަނި އދ. މާމިގިލީ ދާއިރާއަށް އެކަނި ކަމަށެވެ. އެހެން ހުރިހާ ދާއިރާތަކެއްގައި ސަރުކާރު ކޯލިޝަނުގެ ކެނޑިޑޭޓުންނަށް ތާއީދުކޮށް، އެ ކެނޑިޑޭޓުން ހޮވުމަށް މަސައްކަތް ކުރުމަށް ޕާޓީގެ ކައުންސިލްގެ އަޣުލަބިއްޔަތުން ވަނީ ފާސްކޮށްފައެވެ.

އިންތިޚާބުގެ މުހިންމު ތާރީޚުތައް - އިލެކްޝަންސް ކޮމިޝަނުން އިޢުލާންކޮށްފައިވާ ގޮތުގައި ލޯކަލް ކައުންސިލް އިންތިޚާބުގެ ވޯޓުލުން އޮންނާނީ  04 އެޕްރީލް ހޮނިހިރު ދުވަހުގެ ހެނދުނު 8:00 އިން ހަވީރު 16:00 އަށެވެ. 

އޭޕްރީލް 4 ގެ އިންތިޚާބުގައި ގާތްގަނޑަކަށް 290,000 އަށްވުރެ ގިނަ މީހުންނަށް ވޯޓުލުމުގެ ޙައްޤު ލިބިފައިވެ އެވެ.