އަހަރުގެ ފުރަތަމަ 13 ދުވަސް | 93،000 އަށް ވުރެ ގިނަ ޓޫރިސްޓުން
ޖަނަވަރީ މަހުގެ ފުރަތަމަ 13 ދުވަހުގެ ތެރޭގައި އެކަނި ވެސް 93,053 ފަތުރުވެރިން ވަނީ ރާއްޖެ އަށް ޒިޔާރަތްކޮށްފަ އެވެ.
މި އަހަރުގެ ފެށުމުގެ ގޮތުން ފުރަތަމަ 13 ދުވަސް ތެރޭ ރާއްޖެއަށް 93,053 ފަތުރުވެރިން ޒިޔާރަތްކޮށްފި އެވެ.
ޓޫރިޒަމް މިނިސްޓްރީން އާންމުކުރި އެންމެ ފަހުގެ ތަފާސްހިސާބުތައް ދައްކާގޮތުން، މި އަހަރުގެ ޖަނަވަރީ މަހުގެ ފުރަތަމަ 13 ދުވަހުގެ ތެރޭގައި އެކަނި ވެސް 93,053 ފަތުރުވެރިން ވަނީ ރާއްޖެ އަށް ޒިޔާރަތްކޮށްފަ އެވެ.
ޓޫރިޒަމް ހިސާބުތައް ދައްކާ ގޮތުން މިހާރު ރާއްޖެއަށ ދުވާލެއްގެ މައްޗަށް އެވްރެޖްކޮށް 7,158 ފަތުރުވެރިން އެތެރެވެއެވެ.
އެންމެ ގިނައިން އައި އައިސްފައިވަނީ މިމަހުގ 11 ވީ އާދިއްތަ ދުވަހު އެވެ. އެ ދުވަހު އެކަނިވެސް 9,596 ފަތުރުވެރިން ވަނީ ރާއްޖެ އަށް އައިސްފައެވެ.
އެންމެ ގިނަ ފަތުރުވެރިން އަންނަ މާކެޓްތައް - މި އަހަރުގެ ފެށުމުގައިވެސް ރާއްޖެއަށް އެންމެ ގިނަ ފަތުރުވެރިން އަންނަނީ އިޓަލީއާއި ރަޝިއާއިންނެވެ.
ޓޫރިސްޓުން އަންނަ އަދަދު
- އިޓަލީ: 15,221 ފަތުރުވެރިން (16.4%)
- ރަޝިއާ: 13,004 ފަތުރުވެރިން (14.0%)
- އިނގިރޭސިވިލާތް: 7,377 ފަތުރުވެރިން (7.9%)
- ޖަރުމަނުވިލާތް: 6,654 ފަތުރުވެރިން (7.2%)
- ޗައިނާ: 5,835 ފަތުރުވެރިން (6.3%)
ތަފާސްހިސާބުތައް ދައްކާގޮތުން 69.3% ފަތުރުވެރިން އިޚްތިޔާރުކުރަނީ ރިސޯޓް ތަކެވެ. އަދި 25.5 % ފަތުރުވެރިން ގެސްޓްހައުސްތަކުގައި މަޑުކުރާއިރު، ބާކީ ބައި މަޑުކުރަނީ ސަފާރީތަކާއި ހޮޓާތަކުގަ އެވެ. ރާއްޖޭގައި މިހާރު ފަތުރުވެރިން އެވްރެޖްކޮށް 8.1 ދުވަސް ހޭދަކުރެ އެވެ.
ޓޫރިޒަމް މިނިސްޓްރީން ލަފާކުރާ ގޮތުގައި މި އަހަރު ނިމޭއިރު، ރާއްޖެއަށް އަންނަ ފަތުރުވެރިންގެ އަދަދު މިދިޔަ އަހަރަށްވުރެ އިތުރުވެ، އައު ރެކޯޑެއް ގާއިމުކުރެވޭނެ އެވެ.
ކޮމެންޓް
Republic of Maldives