ރާއްޖޭގެ ފުރަތަމަ އެއާޓްރެފިކް ކޮންޓްރޯލަރު ނިޔާވެއްޖެ
ނައީމް ހުޅުލޭ އެއާޕޯޓުގައި މަސައްކަތްކުރައްވަން ފެއްޓެވީ 1967 ގަ އެވެ. ނައީމް އެއާޓްރެފިކް ކޮންޓްރޯލަރުގެ މަގާމަށް ނުކުމެވަަޑައިގަތީ އެޕްރީލް 7، 1973 ގަ އެވެ.
ރާއްޖޭގެ ފުރަތަމަ އެއާ ޓްރެފިކް ކޮންޓްރޯލަރުގެ މަގާމު ފުރުއްވި މުހައްމަދު ނައީމް ހުސައިން ނިޔާވެއްޖެ އެވެ.
އުމުރުން 74 އަހަރުގައި ނައީމް އަވަހާރަވީ މިދިޔަ އާދިއްތަ ދުވަހު މާލޭގަ އެވެ. އޭނާގެ ޖަނާޒާ ބޭއްވީ އިއްޔެ ހުޅުމާލެ ސަހަރާގަ އެވެ. ވެލާނާ އިންޓަނޭޝަނަލް އެއާޕޯޓު ހިންގާ އެމްއޭސީއެލުން ސޯޝަލް މީޑިއާގައި މިއަދު ކުރި ޕޯސްޓެއްގައި ބުނީ ނައީމް އަވަހާރަވި ޚަބަރާ އެކު ފުން ހިތާމައެއް ލިބިފައިވާ ކަމަށެވެ.
ނައީމް ހުޅުލޭ އެއާޕޯޓުގައި މަސައްކަތްކުރައްވަން ފެއްޓެވީ 1967 ގަ އެވެ. ނައީމް އެއާޓްރެފިކް ކޮންޓްރޯލަރުގެ މަގާމަށް ނުކުމެވަަޑައިގަތީ އެޕްރީލް 7، 1973 ގަ އެވެ. އެއީ އެ އެއާޕޯޓުގެ އޭޓީސީގެ ހިދުމަތުގެ ފެށުން ވެސް މެ އެވެ. މި ދާއިރާ ސްރީ ލަންކާ އިން އޭޓީސީގެ ޓްރެއިނިން ފުރިހަމަ ކުރެއްވުމަށް ފަހު އެވެ.
ކޮމެންޓް
Republic of Maldives