އެމްއެމްއޭގެ ބަދަލާއެކު ބޭންކްތަށް ތިޔާގިވެ، ފައިސާ އިތުރު ވެއްޖެ

ރާއްޖޭގެ މަރުކަޒީ ބޭންކް އިން މިދިޔަ އަހަރު، ބޭރު ފައިސާގެ މިނިމަމް ރިޒާވް ރިކުއަޔަމަންޓް (އެމްއާރުއާރު) އަށް ގެނައި ބަދަލާއެކު ބޭންކްތަށް ތިޔާގިވެ ދޫކުރާނެ ފައިސާ އިތުރުވެ އިގްތިސޯދަށް ދިރުން ލިބިފައިވާ ކަމަށް ދައްކައިފި އެވެ. 

އެމްއެމްއޭ އިން ނެރުނު މިދިޔަ މަހުގެ ރިޕޯޓް ދައްކާ ގޮތުން ބޭންކްތަކުގައި މިދިޔަ އަހަރުގެ ނޮވެމްބަރު މަހުގެ ނިޔަލަށް 22.19 ބިލިއަން ރުފިޔާ ހުއްޓެވެ. ނަމަވެސް ޑިސެމްބަރު މަހުގެ ނިޔަލަށް މި އަދަދު ވަނީ 24.36 ބިލިއަން ރުފިޔާ އަށް އިތުރުވެފަ އެވެ. މިއީ ގާތްގަނޑަކަށް 2.17 ބިލިއަން ރުފިޔާ ނުވަތަ 9.7 ޕަސެންޓުގެ އިތުރުވުމެކެވެ. 

މި ފައިސާ އިތުރުވި މައިގަނޑު ސަބަބަކީ ބޭރު ފައިސާގެ މިނިމަމް ރިޒާވް ރިކުއަޔަމަންޓް (އެމްއާރުއާރު) އަށް 2024 ވަނަ އަހަރު ގެނައި ބަދަލެވެ. މި ބަދަލާއެކު ބޭރު ފައިސާގެ ރިޒާވް ރިކުއަޔާމަންޓް ވަނީ 12-10 ޕަސެންޓަށް މަތިކޮށްފަ އެވެ. އަނެއް ސަބަބަކީ ޑިސެމްބަރު މަހަކީ ފަތުރުވެރިކަމުގެ އެންމެ ބާރު ބޮޑު ދުވަސްވަރު ކަމަށްވުމުން، ބޭންކުތަކަށް ވަންނަ ފައިސާ އިތުރުވެ، ބޭންކުތަކުގެ ލިކުއިޑިޓީ އިތުރުވުމެވެ. 

މި ބަދަލާއެކު އިގްތިސޯދު - މި ބަދަލުގެ ސަބަބުން ބޭންކުތަކުގެ ތަނަވަސްކަން ވަނީ ލިބިފަ އެވެ. ބޭންކުތަކުގެ އަތުގައި ނަގުދު ފައިސާ ހުރި މިންވަރު ވަނީ އިތުރުވެފަ އެވެ. އަދި ލޯނު ދޫކުރުމުގެ ފުރުސަތު ވަނީ ފަހިވެފަ އެވެ. ބޭންކުތަކުގައި ފައިސާ ގިނަވުމަކީ އާންމުންނަށާއި ވިޔަފާރިތަކަށް ލޯނު ދޫކުރުމުގެ ގާބިލުކަން ބޭންކުތަކުގައި ހުރިކަން އަންގައިދޭ ކަމެކެވެ. އަދި މީގެ ސަބަބުން އިގްތިސާދީ ދުވެލި ހަލުވި އެވެ.: ބޭންކިންގް ނިޒާމުގައި ފައިސާ ހުރުމަކީ އިގްތިސާދީ މުއާމަލާތްތައް ހިނގަމުންދާކަމުގެ ނިޝާނެކެވެ. މިގޮތުން ބޭންކްތަކުން މިދިޔަ އަހަރު ލޯނު ދޫކުރި މިންވަރު ވަނީ 36 ބިލިއަން ރުފިޔާއަށްވުރެ މައްޗަށް ޖެހިލާފަ އެވެ.