ޑިސެމްބަރު މަހު އާސާސީ މުދަލުގެ އަގު އުފުލުން %0.51 ގައި

މި އަހަރުގެ ޑިސެމްބަރު މަހު އާސާސީ މުދަލުގެ އަގު އުފުލުން ހުރީ 0.51 ޕަސެންޓްގައި ކަމަށް އެސެންޝިއަލް ކޮމޯޑިޓީސް އިންޑެކްސް (އީސީޕީއައި) އިން ދައްކައިފި އެވެ. 

އާސާސީ މުދަލާއި ހިދުމަތުގެ އަގުތަކަށް އަންނަ ބަދަލު އަންގައިދޭން ސްޓެޓިސްޓިކް ބިއުރޯއިން ނެރޭ، އީސީޕީއައި ދައްކާ ގޮތުން މަހުން މަހަށް އައި ބަދަލު ދައްކާ ގޮތުން މިދިޔަ އަހަރުގެ ނޮވެމްބަރު އަޅާބަލާއިރު ޑިސެމްބަރު މަހު އަގުތައް ވަނީ 0.51 ޕަސެންޓް އުފުލިފަ އެވެ. އަދި އަހަރުން އަހަރަށް މި ބަދަލު ބަލާއިރު 2024 ގެ ޑިސެމްބަރާ އަޅާބަލާއިރު އަގުތައް 0.95 ޕަސެންޓް އުފުލިފައިވާ ކަމަށް ދައްކަ އެވެ. 

އީއީޕީއައި ދައްކާ ގޮތުން ކާބޯތަކެތީގެ އަގުތައް މަހުން މަހަށް ބަލާއިރު ވަނީ 0.68 ޕަސެންޓް މައްޗަށް ގޮސްފަ އެވެ. ނަމަވެސް ތަރުކާރީ އަހަރުން އަހަރަށް ބަލާއިރު 9.22 ޕަސެންޓް އަގު އަގުހެޔޮވެފައި ހުރިކަމަށް ދައްކަ އެވެ. ނަމަވެސް މަހުގެ އަގުތައް ވަނީ 0.64 ޕަސެންޓް އުފުލިފަ އެވެ. 

އެހެނިހެން ހިދުމަތްތަކަށް ބަލާއިރު ހަކަތައިގެ އަގުތައް ވަނީ 0.04 ޕަސެންޓް ދަށްވެފަ އެވެ. ނަމަވެސް އަހަރުން އަހަރަށް ބަލާއިރު މި އަދަދު ހުރީ 2.45 ޕަސެންޓް މަތީގަ އެވެ. އަދި  ޕާސަނަލް ކެއާ ނުވަތަ އަމިއްލަ ސާފުތާހިރުކަމަށް ބޭނުންކުރާ ތަކެތީގެ އަގު ވެސް 0.39 ޕަސެންޓް މަތިީގައި ހުރިކަމަށް ދައްކަ އެވެ. ނަމަވެސް ކައްކާ ގޭހުގެ އަގު ވަނީ 0.19 ޕަސެންޓް ދަށްވެފަ އެވެ