އިންކަމް ޓެކުހުގެ އިސްތިސްނާ ދިން ބިޔަ މަޝްރޫއުތަކުގެ ލިސްޓް 19 އަށް

ރާއްޖޭގައި ހިންގާ ބިޔަ 19 މަޝްރޫއު ހިންގާ ބޭރުގެ ކުންފުނިތަކަށް އިންކަމް ޓެކުހުގެ އިސްތިސްނާ ދީފި އެވެ. 

މި އިސްތިސްނާއަކީ އިންކަމް ޓެކްސް ގާނޫނުން ހާއްސަ ހާލަތްތަކެއްގައި ރައީސުލްޖުމްހޫރިއްޔާ އަށް ލިބިވަޑައިގަންނަވާ އިޚްތިޔާރުގެ ދަށުން ވަކި މަޝްރޫއުތަކަކުން ނުވަތަ ސިނާއަތްތަކުން ލިބޭ އާމްދަނީ އިންކަމް ޓެކްސް އިން އިސްތިސްނާ ކުރުމުގެ އިހްތިޔާރު ދީފައިވާ ކަމަށެވެ. އެގޮތުން މިހާތަނަށް އިސްތިސްނާ ދިން ލިސްޓުގައި 19 މަޝްރޫއެއް ހިމެނެ އެވެ. މީގެތެރޭގައި ހިމެނެނީ ރައީސް އިބްރާހިމް މުހައްމަދު ސޯލިހުގެ ސަރުކާރުން އިސްތިސްނާ ދެއްވި މަޝްރޫއުތަކާއި މި ސަރުކާރުން ޓެކުހުގެ އިސްތިސްނާ ދެއްވި މަޝްރޫއުތަކެވެ.

އިންކަމް ޓެކުހުގެ އިސްތިސްނާ ދީފައިވާ ގިނަ މަޝްރޫއުތަކަކީ ރާއްޖެ އާއި ބޭރު ގައުމުތަކާއެކު އޮންނަ ދޭދޭ ގުޅުމުގެ ދަަށުން އެ ގައުމުގެ އެގްޒިމް ބޭންކްތަކުން ލޯނު ދީގެން ހިންގާ މަޝްރޫއުތަކެވެ. ލިސްޓުގައިވާ ގިނަ މަޝްރޫއުތަކަކީ އިންޑިއާގެ އެގްޒިމް ބޭންކުގެ  ލައިން އޮފް ކްރެޑިޓް ދަށުން ފައިނޭންސް ކުރެވިފައިވާ މަޝްރޫއުތަކަކަށް ވާތީ، އެ އެއްބަސްވުމުގެ ދަށުން އެ މަޝްރޫއުތަކާ ގުޅޭ ޓެކްސްތައް ދިވެހި ސަރުކާރުން ވަނީ އިސްތިސްނާކޮށްދީފަ އެވެ. މީގެ އިތުރުން ދެން ހިމެނެނީ ސައުދީ ބިންލާދިން ގްރޫޕް ފަދަ ކުންފުނިތަކަށް އިސްތިސްނާ ދީފައިވަނީ "ފޮރިން އިންވެސްޓްމަންޓް އެގްރީމަންޓް" ތަކުގެ ދަށުންނެވެ.

ބޯހިޔާވަހިކަމުގެ މަޝްރޫއުތަކުގެ ގޮތުގައި ހިމެނެނީ ހުޅުމާލޭގައި އަޅާ 4,000 ސޯޝަލް ހައުސިންގ ޔުނިޓްގެ މަސައްކަތް ބަހާލެވިފައިވަނީ މައިގަނޑު ދެ ކުންފުންޏަކަށެވެ އެއީ ޖޭއެމްސީ ޕްރޮޖެކްޓްސް އެވެ. މި ކުންފުނިން ވަނީ 2,000 ޔުނިޓް އަޅާފަ ސއެވެ. މި މަޝްރޫއުގެ އަގަކީ  137 މިލިއަން ޑޮލަރެވެ. އަދި އަނެއް ކުންފުންޏަކީ އެންބީސީސީ (އިންޑިއާ) އިން ވަނީ 2,000 ޔުނިޓް އަޅާފަ އެވެ. މި އިންވެސްޓްމަންޓުގެ އަގަކީ 130 މިލިއަން އެމެރިކާ ޑޮލަރެެވެ. 

މި ލިސްޓުގައި ހިމެނޭ އެހެނިހެން މަޝްރޫއުތަކަކީ  އައްޑޫ ސިޓީގެ ބިން ހިއްކުމާއި ގިރާ ސަރަހައްދު ހިމާޔަތްކުރަން ހަވާލުކުރި 
ވެން އޫޑް އިންޑިއާ ޕްރައިވެޓް ލިމިޓެޑަށް ދިން 1.3 ބިލިއަން ރުފިޔާގެ މަޝްރޫއާއި ވެލާނާ އިންޓަނޭޝަނަލް އެއާޕޯޓް ޓާމިނަލްގެ ކޮންޓްރެކްޓަރު ސައުދީ ބިންލާދިން ގްރޫޕް ކުންފުންޏެވެ. މި މަޝްރޫއުގެ އަގަކީ 540 މިލިއަން ޑޮލަރެވެ. ދެން ހިމެނެނީ  ޗައިނާ ހާބަރ އެންޖިނިއަރިން އެވެ. އެ ކުންފުނިން ހިންގާ މަޝްރޫއުތަކުގެ އަގު 360 މިލިއަން ޑޮލަރަށް އަރަ އެވެ.