އެޗްއާރުސީއެމްގެ ރައީސަކަށް ޑރ. ރަމީލާ އައްޔަނުކުރަން މަޖިލީހުން ރުހުންދީފި
ކޮމިޓީން ނިންމި ގޮތަށް އެޗްއާރުސީއެމްގެ ރައީސަކަށް ރަމީލާ އައްޔަން ކުރަން ފެންނަ ކަމަށް ފާސްކޮށްފައިވަނީ އެ ވޯޓުގައި ބައިވެރިވެވަޑައިގެންނެވި 38 މެމްބަރުންގެ އިއްތިފާގުން
ހިއުމަން ރައިޓަސް ކޮމިޝަން (އެޗްއާރުސީއެމް)ގެ ރައީސްކަމަށް، ކުރީގެ މިނިސްޓަރު ޑރ. އައިޝަތު ރަމީލާ އައްޔަނުކުރުމަށް ރައްޔިތުންގެ މަޖިލީހުން މިއަދު ފާސްކޮށްފި އެވެ.
އެޗްއާރުސީއެމްގެ މެމްބަރުކަމަށް، އެގްރިކަލްޗަރަލް މިނިސްޓަރުކަމުގެ މަގާމަށް މި ސަރުކާރުގައި އައްޔަން ކުރެއްވި ފުރަތަމަ ވަޒީރު ޑރ. ރަމީލާ މަޖިލީހުގެ ރުހުމާ އެކު އައްޔަނުކުރައްވާފައިވަނީ މިދިޔަ މަހު އެވެ.
އެޗްއާރުސީއެމްގެ ރައީސަކަށް ރަމީލާ އައްޔަން ކުރުމުގެ މައްސަލަ ދިރާސާ ކުރުމަށް މަޖިލީހުގެ ހިޔުމަން ރައިޓްސް އެންޑް ޖެންޑާ ކޮމެޓީއަށް ފޮނުވުމުން، އެ ކޮމެޓީން އިއްޔެ ވަނީ އެ މަގާމަށް އޭނާ އައްޔަނުކުރަން ފެންނަކަމަށް ފާސްކޮށްފަ އެވެ.
އެއާ އެކު، މަޖިލީހުގެ ދައުރުން ބޭރުގައި މިއަދު ބޭއްވި ޖަލްސާގައި، ކޮމިޓީން ނިންމި ގޮތަށް އެޗްއާރުސީއެމްގެ ރައީސަކަށް ރަމީލާ އައްޔަން ކުރަން ފެންނަ ކަމަށް ފާސްކޮށްފައިވަނީ އެ ވޯޓުގައި ބައިވެރިވެވަޑައިގެންނެވި 38 މެމްބަރުންގެ އިއްތިފާގުންނެވެ.
އިއްޔެ އާއި މިއަދު، މަޖިލީހުގެ ދައުރުން ބޭރުގައި ބޭއްވި ޖަލްސާތައް ގާނޫނާ ހިލާފުކަމަށް ބުނެ، އިދިކޮޅު އެމްޑީޕީގެ މެމްބަރުން ވަނީ މިއަދުގެ ޖަލްސާ ބޮއިކޮޓްކޮށްފަ އެވެ.
ކޮމެންޓް
Republic of Maldives