އެޗްއާރުސީއެމްގެ ރައީސަކަށް ރަމީލާ އައްޔަނުކުރަން މަޖިލީހަށް
އެ ކޮމިޓީގެ ބައްދަލުވުމެއް މިއަދަށް ތާވަލުކޮށްފައިވާއިރު، އެ ބައްދަލުވުމުގައި އެކަމާ މެދު ގޮތެއް ނިންމާނެކަމަށް ބެލެވެ އެވެ.
ހިއުމަން ރައިޓަސް ކޮމިޝަން (އެޗްއާރުސީއެމް)ގެ ރައީސްކަމަށް، ކުރީގެ މިނިސްޓަރު ޑރ. އައިޝަތު ރަމީލާ އައްޔަނުކުރުމަށް ރައްޔިތުންގެ މަޖިލީހަށް ފޮނުއްވައިފި އެވެ.
އެޗްއާރުސީއެމްގެ ރައީސް ކަމަށް ރަމީލާ އައްޔަންކުރުމާ މެދު މަޖިލީހުގެ ރުހުން ހޯއްދެވުމަށް ރައީސް ޑރ. މުހައްމަދު މުއިއްޒު ފޮނުއްވި ސިޓީފުޅު ދައުރުން ބޭރުގައި މިއަދު ބާއްވާ މަޖިލީހުގެ ޖަލްސާގައި އިއްވުމަށް ފަހު، އެކަން ދިރާސާކުރުމަށް މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީއަށް ވަނީ ފޮނުވައިފަ އެވެ.
އެ ކޮމިޓީގެ ބައްދަލުވުމެއް މިއަދަށް ތާވަލުކޮށްފައިވާއިރު، އެ ބައްދަލުވުމުގައި އެކަމާ މެދު ގޮތެއް ނިންމާނެކަމަށް ބެލެވެ އެވެ.
އެޗްއާރުސީއެމްގެ މެމްބަރުކަމަށް، އެގްރިކަލްޗަރަލް މިނިސްޓަރުކަމުގެ މަގާމަށް މި ސަރުކާރުގައި އައްޔަން ކުރެއްވި ފުރަތަމަ ވަޒީރު ޑރ. ރަމީލާ އައްޔަން ކުރަން މަޖިލީހުން ފާސްކުރީ މިދިޔަ އޮކްޓޯބަރު މަހުގެ 29 ވަނަ ދުވަހު އެވެ.
އެއާ އެކު، އެ ކޮމިޝަނަށް ރަމީލާ އައްޔަނުކުރައްވާފައިވަނީ މިދިޔަ ޑިސެމްބަރު މަހުގެ ތެރޭގަ އެވެ.
އެޗްއާރުސީއެމަށް ރަމީލާ އައްޔަނު ކުރެއްވީ އެ ކޮމިޝަންގެ ރައީސްގެ މަގާމުގައި ހުންނެވި މަރިޔަމް މުނާގެ މަގާމުގެ މުއްދަތު ހަމަވުމުންނެވެ.
ޑރ. ރަމީލާގެ ސިއްހީ ހާލުކޮޅު ހުރިގޮތުން މިނިސްޓަރުކަމުން އިސްތިއުފާ ދެއްވީ 2024 ވަނަ އަހަރުގެ ޑިސެމްބަރު މަހު އެވެ.
ކޮމެންޓް
Republic of Maldives