ރާއްޖޭގެ ހުރިހާ އެއާޕޯޓްތަކެއް ހިންގާނީ ދިވެހި ކުންފުނިތަކުން : މިނިސްޓަރު
ހަނިމާދޫ އެއާޕޯޓަކީ އިންޑިއާއިން ދިން 136 މިލިއަން ޑޮލަރުގެ ލޯނެއްގައި ހެދި އެއާޕޯޓެކެވެ.
ރާއްޖޭގައި ހުރިހާ އެއާޕޯޓްތަކެއް ހިންގާނީ ދިވެހި ކުންފުނިތަކުން ކަމަށާ، އެ ސިޔާސަތު ބަދަލު ނުވާ ކަމަށް ޓްރާންސްޕޯޓް މިނިސްޓަރު އަމީން އިބްރާހިމް ވިދާޅުވެއްޖެ އެވެ.
އިންޑިއާއިން ލޯނު ނަގައިގެން ތަރައްގީކުރި ހަނިމާދޫ އިންޓަނޭޝަނަލް އެއާޕޯޓް އިންޑިއާގެ ކުންފުންޏަކަށް ދޭން ސަރުކާރުން އިންޑިއާގައި އެދިފައިވާ ކަމަށް އިންޑިއާގެ ނޫހެއްގައި ލިޔެފައިވުމާއެކު އެއަށް ރައްދުދެއްވައި ޓްރާންސްޕޯޓް މިނިސްޓަރު އަމީން ވިދާޅުވީ ދިވެހިރާއްޖޭގެ ހުރިހާ އެއާޕޯޓްތަކާއި ރާއްޖޭގައި ހުރި ބައިނަލްއަޤުވާމީ އެއާޕޯޓްތައް ހިންގާނީ މޯލްޑިވްސް ސިވިލް އޭވިއޭޝަން އޮތޯރިޓީން ހުއްދަދީފައިވާ ދިވެހި އޮޕަރޭޓަރުންނެވެ.
އެމްބޯ މަޑިއެއްގެ ފަރުމާއަށް ޓާމިނަލް ހަދާފައިވާ ހަނިމާދޫ އިންޓަނޭޝަނަލް އެއާޕޯޓް ކުލަގަދަ ރަސްމިއްޔާތެއްގައި ހުޅުވާފައިވަނީ މިދިޔަ ނޮވެމްބަރު މަހު އެވެ. އިހަވަންދިއްޕޮޅުގެ މައި ދޮރޯއްޓަށްވާނެ ކަމަށް އުންމީދު ކުރެވޭ ހަނިމާދޫ އެއާޕޯޓުގައި ހަދާފައިވާ ޕެސެންޖަރު ޓާމިނަލް އާއި ކޮންޓްރޯލް ޓަވަރު އަދި މިނޫންވެސް ހިދުމަތްތައް ހުޅުއްވައި ދެއްވީ ރައީސް ޑރ. މުހައްމަދު މުއިއްޒު އެވެ. މި އިންޑިއާގެ ބޮޑުވަޒީރު ނަރެންދްރަ މޯދީގެ ހާއްސަ މަންދޫބެއްގެ ގޮތުން އެ ގައުމުގެ ސިވިލް އޭވިއޭޝަން މިނިސްޓަރު ރާމް މޯހަން ނައިޑޫ ބައިވެރިވެވަޑައިގަތެވެ. މި މަޝްރޫއަކީ އިންޑިއާއިން ދިން 136 މިލިއަން ޑޮލަރުގެ ލޯނެއްގައި ހެދި އެއާޕޯޓެކެވެ.
ކޮމެންޓް
Republic of Maldives