ފުނަދޫއަށް ރޭގަނޑު ފްލައިޓްތައް ފަށަން ތައްޔާރުކޮށްފި

ށ. ފުނަދޫ އެއާޕޯޓަށް ރޭގަނޑު ފްލައިޓް ޖައްސަން ފަށަން ޓެސްޓް ފްލައިޓްތަކެއް ފަށައިފި އެވެ. 

ގައުމީ އެއާލައިން މޯލްޑިވިއަން އިން ފުނަދޫއަށް ރޭވަނީ ފުރަތަމަ ފްލައިޓް ޖައްސާފަ އެވެ. މި ފްލައިޓުގައި ސިވިލް އޭވިއޭޝަން އާއި މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގެ އިސްވެރިންވެސް ވަނީ ފުނަދޫއަށް ގޮސްފަ އެވެ. 

މިއަހަރުގެ އޮކްޓޯބަރު މަހު ރައީސް ޑރ.މުޙައްމަދު މުޢިއްޒު ފުނަދޫއަށް ކުރެއްވި ދަތުރުފުޅުގެ ތެރެއިންވަނީ ފުނަދޫގެ އެއާޕޯޓު އިތުރަށް ތަރައްޤީކުރުމުގެ މަޝްރޫޢެއް އެމްއޭސީއެލްއާ ހަވާލުކޮށްފަ އެވެ. 

ފުނަދޫ އެއާޕޯޓް ހުޅުވީ 2020 ވަނަ އަހަރު ގައެވެ. މި އެއާޕޯޓަކީ 1200 މީޓަރު ދިގު 30 މީޓަރު ފުޅާ އެއާޕޯޓެކެވެ.