މިއަހަރުގެ މިހާތަނަށް 21 ކުއްޖަކު ގުރުއާން ހިތުދަސްކޮށްފި
މިނިސްޓަރު ވިދާޅުވީ އޭގެ އިތުރުން އަންނަ އަހަރު ބާއްވާ ހަފްލާގައި 42 ހާފިޒަކު ރައީސުލްޖުމުހޫރިއްޔާގެ މެޑަލް ހާސިލްކުރާނެ ކަމަށެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވީ 21 ކުއްޖަކު އިމްތިހާނު ހަދާފައިވާއިރު، ހަތް ކުއްޖެއްގެ އިމްތިހާނު މިވަގުތު ކުރިއަށްދާ ކަމަށާއި އެއް ކުއްޖަކު އިމްތިހާނަށް ތައްޔާރުވަމުންދާ ކަމަށެވެ.
އަދި، އަންނަ ރޯދަ މަހުގެ 27 ވިލޭރޭ 30 ހާފިޒުން ދަސްވެނިވާނެ ކަމަށާއި މިއީ މިދިޔަ އަހަރާ އަޅާ އިތުރު އަދަދެއް ކަމަށް ވެސް މިނިސްޓަރު ވިދާޅުވި އެވެ. މިދިޔަ އަހަރު ފުރަތަމަ ފަހަރަށް ހާފިޒުންގެ ދަސްވެނިވުމުގެ ހަފުލާގައި 24 ހާފިޒުން ވަނީ ދަސްވެނިވެފަ އެވެ.
މިނިސްޓަރު ވިދާޅުވީ އޭގެ އިތުރުން އަންނަ އަހަރު ބާއްވާ ހަފްލާގައި 42 ހާފިޒަކު ރައީސުލްޖުމުހޫރިއްޔާގެ މެޑަލް ހާސިލްކުރާނެ ކަމަށެވެ.
"ދިވެހިރާއްޖޭގައި ހާފިޒުން އުފެއްދުމަކީ ސަރުކާރުގެ ވަރަށް ބޮޑު އަމާޒެއް. ކީރިތި ގުރުއާން ހިތުދަސްކުރަން ހިތްވަރު ދިނުމުގެ ގޮތުން ސަރުކާރުން ވަނީ މި ދިޔަ ޖޫން މަހުން ފެށިގެން ހާފިޒުންގެ އެލަވަންސް ވެސް ބޮޑުކުރައްވާފައި،" މިނިސްޓަރު ވިދާޅުވި އެވެ.
ސަރުކާރުން މިހާރު ހާފިޒުންނަށް ދެމުންދަނީ 4000ރ. ގެ އެލަވަންސެކެވެ. އޭގެ ކުރިން ދެމުން ދިޔައީ 2000ރ. ގެ އެލަވަންސެކެވެ.
ކޮމެންޓް
Republic of Maldives