ދިރާސީ އަހަރުގެ ކިޔެވުން ނިންމައި، ދަރިވަރުން ޗުއްޓީއަށް

މިއަހަރުގެ ދިރާސީ އަހަރުގެ ކިޔެވުން ނިންމައި، ސްކޫލްތަކުގެ ދަރިވަރުން މިއަދު ޗުއްޓީއަށް ހިނގައްޖެ އެވެ.

މިއަދު ވަނީ ރާއްޖޭގެ ހުރިހާ ސްކޫލެއްގައި ދެވަނަ ޓާމުގެ ރިޕޯޓު ފޮތް ދިނުން ކުރިއަށް ގެންގޮސްފަ އެވެ. އެޔާއެކު މި ފެށުނީ ސްކޫލް ކުދިންގެ ބޮޑު ޗުއްޓީ އެވެ.

އެކެޑެމިކް ކަލަންޑަރުގައިވާ ގޮތުގައި، ދަރިވަރުންގެ ބޮޑު ޗުއްޓީ ކުރިއަށްދާނީ މިއަދުން ފެށިގެން އަންނަ އަހަރުގެ ޖެނުވަރީ 22 ވަނަ ދުވަހުގެ ނިޔަލަށެވެ. އަދި 2026 ވަނަ އަހަރުގެ ދިރާސީ އަހަރު ފެށޭނީ ޖެނުވަރީ 27 ވަނަ ދުވަހު އެވެ.

މިއަހަރުގެ ދިރާސީ އަހަރު ފެށީ ޕްރީ-ސްކޫލުން ފެށިގެން ގްރޭޑު 12 އާ ހަމައަށް 90،000 އެއްހާ ކުދިންންނާއެކު އެވެ. އަދި ސަރުކާރުގެ 217 ސްކޫލްއެއްގައި 84000 އެއްހާ ދަރުވަރުން ވަނީ ކިޔަވާފަ އެވެ.

މީގެ ހަތަރު އަހަރު ކުރިން ދިރާސީ އަހަރުގެ ކިޔެވުން ފެށީ އަހަރުގެ މެދުތެރެއިންނެވެ. އެހެންވެ، ބޮޑު ޗުއްޓީއަށް ވެސް ގޮސްފައި ވަނީ އަހަރުގެ މެދުތެރެއިންނެވެ. ނަމަވެސް އެންމެ ކުރީގައިވެސް އޮތްގޮތަށް، ޑިސެމްބަރު މަހު ބޮޑު ޗުއްޓީ ލިބޭ ގޮތަށް މި ސަރުކާރުން ވަނީ ބަދަލުކޮށްފަ އެވެ.