ރާއްޖެއަށް އާ ތަޖުރިބާއެއް | ގައުމީ އެއާލައިންގެ ސީޕްލޭން، ފުރޮޅު ދަތުރަށް
މިރާއަށް އެނގިފައިވާ ގޮތުގައި މޯލްޑިވިއަން އިން މި ދަތުރުތައް ފުރަތަމަ ފަށަން ނިންމާފައިވަނީ އައްޑުއާއި ހުވަދު އަތޮޅުގެ ރިސޯޓްތައް ގުޅާލާ ކަނެކްޝަން ފްލައިޓެއްގެ ގޮތުގަ އެވެ.
ރާއްޖޭގައި 18 ރަންވޭ އޮތްނަމަވެސް މި ރަންވޭތަކުގެ ބޭނުން އެންމެ ރަނގަޅު ގޮތުގަ ނުކުރެވެ އެވެ. މީގެ ގިނަ އެއާޕޯޓްތަކަކީ މަދު ބޯޓުތަކެއް ދަތުރުކުރާ ތަންތަނެވެ. ނަމަވެސް ސަރުކާރުން މިވަނީ މިކަން ބަދަލު ކުރަން އާ ވިސްނުމަކަށް ގޮސްފަ އެވެ. އެ ވިސްނުމަކީ ގައުމީ އެއާލައިން މޯލްޑިއަންގެ ސީޕްލޭންތަކުގައި ފޮރޮޅު ހަރުކޮށްގެން "ވީލް ބޭސް" އޮޕަރޭޝަނެއް ފެށުމެވެ.
ގައުމީ އެއާލައިން އިން މިހާރު އެކަމަށް ތައްޔާރުވަމުންދާއިރު މި އޮޕަރޭޝަން ވެގެންދާނީ ރާއްޖޭގައި ވައިގެ ދަތުރުފަތުގެ އާ ސޮފުހާ އަކަށެވެ. އެއީ މިގޮތަށް އާއްމު ދަތުރުތަކެއްގެ ގޮތުގައި ސީޕްލޭންގައި ފޮރޮޅު ހަރުކޮށްގެން މީހުން އުފުލަން ފަަށާ ފުރަތަމަ ދަތުރުތަކަށެވެ.
މިރާއަށް އެނގިފައިވާ ގޮތުގައި މޯލްޑިވިއަން އިން މި ދަތުރުތައް ފުރަތަމަ ފަށަން ނިންމާފައިވަނީ އައްޑުއާއި ހުވަދު އަތޮޅުގެ ރިސޯޓްތައް ގުޅާލާ ކަނެކްޝަން ފްލައިޓެއްގެ ގޮތުގަ އެވެ. އެއްފަހަރާ 19 މީހުން އުފުލޭ މި ސީޕްލޭން ދަތުރުތަކާއެކު ލިބިގެންދާނެ އަނެއް ހިތްހަމަ ޖެހުމަކީ ރާއްޖޭގެ ރަށްތަކުގެ ތިމާވެއްޓަށް މިހާރު ލިބެމުންދާ ގެއްލުމުން ސަލާމަތްވާނެ މަގެއް ފެނުމެވެ. އެއީ ބޮޑެތި ރަންވޭތަކެއް އެޅުމުގެ ބަދަލުގައި ކުދިކުދި ބަދަލުތަކާއެކު އަސާސީ ދަތުރުތައް ފެށޭނެ ގޮތެއް ފެނުނެވެ.
ކެނެޑާގެ މި ބޯޓްތަކަކީ "ޝޯޓް ޓޭކްއޮފް އެންޑް ލޭންޑިންގްއަށް ހާއްސަ އުޅަނދުތަކެވެ. މިއީ ފުރޮޅު ހަރުކޮށްގެން ކެނެޑާގައި ކާމިޔާބުކަމާއެކު ދަތުރު ކުރާ ބޯޓުތަކެވެ. ގާތްގަނޑަކަށް 1,437 ކިލޯމީޓަރުގެ ރާސްތާއަކަށް ދަތުރުކުރެވޭ ކެނެޑާ އާއި ނޭޕާލް އަދި އިންޑޮނޭޝިއާ އަދި ކެރީބިއަން ގައުމުތަކުގައިވެސް ފޮރޮޅު ހަރުކޮށްގެން ބޭނުން ކުރެ އެވެ.
ރައީސް ޑރ. މުހައްމަދު މުއިއްޒުވެސް ވަނީ ދާދިފަހުން ޒުވާނުންނާ ބައްދަލުކޮށް ވާހަކަ ދައްކަވަމުން އެއާޕޯޓްތައް އެޅުމުން ހުއްޓާލަން އުޅޭކަމުގެ އިޝާރާތެއް ދެއްވާފަ އެވެ.
ކޮމެންޓް
Republic of Maldives