ވ. އަތޮޅުގައި އޮތް ސަފާރީއެއްގައި ރޯވެއްޖެ

ވ. އަތޮޅުގައި އޮތް ސަފާރީއެއްގައި އަލިފާން ރޯވެ، އެމްއެންޑީއެފުން ހަރަކާތްތެރިވާން ފަށައިފި އެވެ.

އެމްއެންޑީއެފުން ބުނީ، ވ.އަތޮޅު ކުޑަ އަންބަރާ ކައިރީގައި އޮތް "ޔަސާވާ ޕްރިންސަސް" ނަމަކަށް ކިޔާ ސަފާރީއެއްގައި އަލިފާން ރޯވެގެން ފަޔާ އެންޑް ރެސްކިޔު ސާވިސްއިން ހަރަކާތްތެރިވަމުންދާ ކަމަށެވެ.

ނަމަވެސް އިތުރު ތަފްސީލު ނުދޭތީ، އެ ސަފާރީގައި މީހުން ތިބި ކަމެއް ވެސް އަދި ލިބުނު ގެއްލުމެއް ވެސް އަދި ނޭނގެ އެވެ.

އެމްއެންޑީއެފުން ހިއްސާކޮށްފައިވާ ފޮޓޯއިން ފެންނަ ގޮތުގައި، އެ އުޅަނދުގެ ގެގަނޑުގެ ކުރީކޮޅުގައި ވަނީ ވަރަށް ބޮޑަށް އަލިފާން ރޯވެފަ އެވެ.