މާރުކޭޓް ސަރަހައްދުގެ އޮޑިފަހަރު ވަގުތީ ގޮތުން ޖެޓީ ނަމްބަރު އެކެއް ސަރަހައްދަށް

މާލޭ ނޯތު ހާބަރގެ "ޒޯން އޭ" (އެއްގަމު ތޮށި) ގައި އަޅާފައިވާ ކަނޑު އުޅަނދުފަހަރު ވަގުތީ ގޮތުން ޖެޓީ ނަމްބަރު އެކެއް ހިމެނޭ ސަރަހައްދަށް ބަދަލުކޮށްފި އެވެ. 

މާލެ މާރުކޭޓް ސަރަހައްދުގެ ބަނދަރު ބަލަހައްޓާ އެމްޕީއެލް އިން ބުނީ މާލެ އުތުރުފަރާތު ބޮޑުތަކުރުފާނުމަގު ފުޅާކޮށް ތަރައްޤީކުރުމުގެ މަޝްރޫޢުގެ ދެވަނަ ފިޔަވަހީގެ މަސައްކަތް މިމަހުގެ އަށަކުން ފެށިގެން ތިން މަސް ދުވަހުގެ މުއްދަތަކަށް ކުރިއަށްދާއިރު، މާލޭ ނޯތު ހާބަރުގެ ހިދުމަތް ހޯދާ ކަނޑު އުޅަނދުފަހަރުތަކަށް ޖެޓީ ނަމްބަރު އެކެއ (އެމްއެމްއޭ ކުރިމަތި ސަރަހައްދު) ވަގުތީ ގޮތުން ބޭނުންކުރެވޭނެ އިންތިޒާމްތައް ވަނީ ހަމަޖައްސާފަ އެވެ.

އެ ކުންފުނިން ބުނީ އެގޮތުން، މާލޭ ނޯތު ހާބަ "އޭ ޒޯން" (އެއްގަމު ތޮށި) ގައި އަޅާފައިވާ ޕަސިންޖަރުންނާއި މުދާ އުފުލާ ކަނޑު އުޅަނދު ފަހަރުތައް މިހާރު ވަނީ ޖެޓީ ނަމްބަރު އެކެއް (އެމްއެމްއޭ ކުރިމަތި ސަރަހައްދު) އަށް ވަގުތީ ގޮތުން ބަދަލުކޮށްފަ އެވެ. އަދި ވަގުތީ ގޮތުން މި ގެނެވުނު ބަދަލަށް އަމަލުކުރާ މުއްދަތުގައި ޖެޓީ ނަމްބަރު އެކެއްގެ ބޭނުންހިފާ އެއްވެސް ކަނޑު އުޅަނދަކަށް ފީއެއް ނުނަގާނެ ވާހަކަ ދަންނަވަމެވެ.

އެމްޕީއެލް އިން ބުނީ މަތީގައި ދެންނެވިފައިވާ ގޮތަށް މި ކުންފުނިން ޢަމަލުކުރަން ނިންމާފައިވަނީ ހުރިހާ އުޅަނދުފަހަރަށްވެސް އިންސާފުވެރި، ހަމަހަމަ އުޟޫލަކުން ޚިދުމަތް ދިނުމުގެ ބޭނުމުގައިކަން ފާހަގަކުރަމެވެ.އަދި މާލޭ ނޯތު ހާބަރުގެ "ޒޯން ބީ" އަދި "ޒޯން ސީ"ގެ ބޭނުންކުރާ އުޅަނދު ފަހަރުތައް ޢަމަލުކުރަންޖެހޭ އުޟޫލުތަކަށް އެއްވެސް ބަދަލެއް ނުގެންނަން މަޢުލޫމާތަށްޓަކައި ދަންނަވަމެވެ. އަދި، މި ފުރުސަތުގައި މާލޭ ނޯތު ހާބަރގެ ޚިދުމަތް ހޯއްދަވާ ހުރިހާ ފަރާތްތަކުންވެސް ދެމުންދާ އެއްބާރުލުމަށް ޝުކުރު އަދާކުރަމެވެ.