ތައިލެންޑަށް ދިޔަ ޓޫރިސްޓުންގެ އަދަދު 7.25 ޕަސެންޓް ދަށަށް

މި އަހަރުގެ މިހާތަނަށް ތައިލެންޑަށް ޒިޔާރަތް ކުރި ޓޫރިސްޓުންގެ އަދަދު 7.25 ޕަސެންޓް ދަށްވެއްޖެ އެވެ. 

ތައިލެންޑުގެ ޓޫރިޒަމް އެންޑް ސްޕޯޓްސް މިނިސްޓްރީން ބުނި ގޮތުގައި މި އަހަރުގެ ޖެނުއަރީ 1 އިން ޑިސެމްބަރު 21 އަށް އެ ގައުމަށް ޒިޔާރަތްކުރި ބޭރުގެ ފަތުރުވެރިންގެ އަދަދު ވަނީ އޭގެ ކުރީ އަހަރުގެ އެ މުއްދަތާ އަޅާބަލާއިރު 7.25 އިންސައްތަ ދަށްވެފަ އެވެ.

ތައިލެންޑުގެ ޓޫރިޒަމް އެންޑް ސްޕޯޓްސް މިނިސްޓްރީން ބުނި ގޮތުގައި މި އަހަރުގެ ނިޔަލަށް ޖުމްލަ 31.76 މިލިއަން ފަތުރުވެރިން ޒިޔާރަތްކުރި އެވެ. އެންމެ ގިނައިން ޓޫރިސްޓުން އައިސްފައިވާ މެލޭޝިއާއިން 4.38 މިލިއަން ފަތުރުވެރިން ތައިލެންޑަށް ދިޔަ އެވެ. އަދި ޗައިނާ އިން 4.36 މިލިއަން ފަތުރުވެރިން ގޮސްފައިވެ އެވެ. 

ޔޫރޯމޮނިޓާ އިންޓަނޭޝަނަލްގެ އިންޑެކްސް ދައްކާގޮތުގައި މި އަހަރު ދުނިޔޭގައި އެންމެ ގިނަ މީހުން ޒިޔާރަތްކުރި ސިޓީއަކީ ބެންކޮކެވެ. އެ ސިޓީ އަށް އެކަނި ވެސް 30.3 މިލިއަން ބޭރުގެ ޓޫރިސްޓުން ޒިޔާރަތްކުރި އެވެ.