މި އަހަރު ޓޫރިޒަމްގެ އާމްދަނީ 16% އިތުރުވެ، 5.5 ބިލިއަން ޑޮލަރަށް އަރާނެ
މި އަހަރު ޓޫރިޒަމުން ލިބޭނެ ކަމަށް ކުރިންް އަންދާޒާ 13 ޕަސެންޓް ކުރިއަރާނެ ކަމަށެވެ. ނަމަވެސް މިހާތަނަށް 16 ޕަސެންޓް ވަނީ އިތުރުވެފަ އެވެ.
މި އަހަރު ޓޫރިޒަމްގެ އާމްދަނީ 16 ޕަސެންޓާއެކު 5.5 ބިލިއަން އިތުރުވާނެ ކަމަށް ޓޫރިޒަމް މިނސްޓަރު ތޯރިގު އިބްރާހިމް ވިދާޅުވެއްޖެ އެވެ.
ޓޫރިޒަމް މިނިސްޓްރީގައި މިހާރު ކުރިއަށްދާ ނިއުސް ކޮންފަރެންސުގައި ޓޫރިޒަމް އާއި ތިމާވެއްޓާ ބެހޭ މިނިސްޓަރު ތޯރިގު ވިދާޅުވީ މި އަހަރު ޓޫރިޒަމްގެ އާމްދަނީ ކުރިން ހުންނާނެ ކަމަށް އަންދާޒާ ކުރެވުނީ 13.8 ޕަސެންޓެވެ. އަދި ލިބޭނެ ކަމަށް އަންދާޒާ ކުރެވިފައިވަނީ 5.4 ބިލިއަން ރުފިޔާ އެވެ. ނަމަވެސް މިހާރު މި އަހަރު ލިބޭނެ އާމްދަނީ 5.5 ބިލިއަން ޑޮލަރަށް އިތުރުވާނެ ކަމަށް އަންދާޒާ ވަނީ ކުރެވިފަ އެވެ.
"އެހެންވީމަ ކުރިން ފޯކާސްޓް ކުރިވަރަށްވުރެ ޓޫރިޒަމް ރިސިޓްސް ވަނީ އިތުރުވެގެން ގޮސްފަ،" ތޯރިގު ވިދާޅުވި އެވެ.
މިނިސްޓަރު ވިދާޅުވީ ރައީސް ޑރ. މުހައްމަދު މުއިއްޒު ވެރިކަމާ ހަވާލުވިފަހުން މި އަދާހަމައަށް 6،665 އެނދު ވަނީ ޓޫރިޒަމަށް އިތުރުވެފަ އެވެ. މީގެ ތެރޭގައި ހިމެނެނީ ރިސޯޓްތަކަށް އިތުރުވި 1،474 އެނދާއި ގެސްޓްހައުސްތަކަށް އިތުރުވި 30704 އެނދުގެ އިތުރުން ސަފާރީތަކަށް އިތުރުވި 463 އެނދު އަދި ހޯމްސްޓޭއަށް އިތުރުވި 316 އެނދު ހިމެނެ އެވެ.
17 ނޮވެމްބަރުން ފެށިގެން ހުޅުވި ތަންތަން
- ހަ ރިސޯޓް
- 197 ގެސްޓްހައުސް
- ތިން ހޮޓާ
- 22 ސަފާރީ
- 45 ޑައިވް ސެންޓަރު
- 50 ހޯމް ސްޓޭ
- 391 ޓްރެވަލް އެޖެންސީ
މިނިސްޓަރު ވިދާޅުވި ގޮތުގައި މިހާރު އަމަލު ކުރަމުން ގެންދާ ޓޫރިޒަމް މާސްޓަ ޕްލޭންގެ އަމާޒަކީ ޓޫރިޒަމް ހަ ބިލިއަން ޑޮލަރަށް މަތިކުރުމެވެ.
"މިދިޔަ އަހަރު ޓޫރިޒަމަށް ލިބުނީ 4.7 ބިލިއަން ޑޮލަރުގެ އާމްދަނީއެއް. ނަމަވެސް މި އަހަރު 5.4 ބިލިއަން ޑޮލަރުގެ އާމްދަނީއެއް ލިބޭނެ ކަމަށް އަންދާޒާ ކުރެވުނު ނަމަވެސް މިއަދާ ހަމައަށް ފޯކާސްޓްއަކީ 5.5 ބިލިއަން ޑޮލަރު ލިބޭނެ ކަމަށް ވަނީ ބެލެވިފަ،" ތޯރިގު ވިދާޅުވި އެވެ.
ކޮމެންޓް
Republic of Maldives