ޕީއެންއެފްގެ ޓިކެޓުގައި ޒަރިޔަންދު މާލޭގެ މޭޔަރުކަމަށް ވާދަކުރައްވަނީ
ކުރިއަށް އޮތް ލޯކަލް ކައުންސިލް އިންތިހާބުގައި، ކުރީގެ ރައީސް އަބްދުﷲ ޔާމީންގެ ސިޔާސީ ޕާޓީ، ޕީޕަލްސް ނޭޝަނަލް ފްރަންޓް (ޕީއެންއެފް)ގެ ޓިކެޓުގައި، ނޭޝަނަލް ޓެންޑާ ބޯޑުގެ ކުރީގެ ޗެއާމަން، އިސްލާއިލް ޒަރިޔަންދު މާލޭގެ މޭޔަރު ކަމަށް ވާދަކުރަން ނިންމައިފިއެވެ.
އެކަން އިއުލާނު ކުރީ ރޭ "ރިސެސް"ގެ ނަމުގައި ބޭއްވި އެ ޕާޓީގެ ޖަލްސާގައެވެ. ކުރީގެ މަޝްހޫރު ފުޓުބޯޅަ ކީޕަރު ޒަރިޔަންދު އެ ޖަލްސާގައި ވާހަކަ ދައްކަވަމުން ވިދާޅުވީ އޭނާގެ ނަޒަރުގައި ކުރީގެ ރައީސް އަބްދުالله ޔާމީނަކީ ތަރައްގީގެ ތަސައްވުރެއް ގެންގުޅުއްވާ ލީޑަރެއް ކަމަށެވެ.
ޕީއެންއެފްގެ ޓިކެޓުގައި މާލޭގެ މޭޔަރު ކަމަށް ޒަރިޔަންދު ވާދަކުރަން ނިންމާފައިވާއިރު، ސަރުކާރު ހިންގާ ޕީއެންސީގެ ޓިކެޓުގައި ވާދަކުރަން ނިންމާފައި ވަނީ ކުރީގެ ޑިފެންސް މިނިސްޓަރު އަދި ކުރީގެ ޗީފް އޮފް ޑިފެންސް ފޯސް މޫސާ އަލީ ޖަލީލެވެ.
އިދިކޮޅު އެމްޑީޕީގެ ފަރާތުން މޭޔަރު ކަމަށް ނުކުންނަނީ މިހާރުގެ މޭޔަރު އާދަމް އާޒިމާއި، މެދުހެންވޭރު ދާއިރާގެ ކުރީގެ މެންބަރު އަލީ އާޒިމެވެ.
ކައުންސިލް އިންތިހާބު އޮންނާނީ އަންނަ އޭޕްރީލް މަހުގެ ހަތަރު ވަނަ ދުވަހު އެވެ.
ކޮމެންޓް
Republic of Maldives