މަސްކިރުވަން ކިއު ނަންބަރާއި އައިސް ލިބެންހުރި މިންވަރު ބެލޭ ހާއްސަ އެޕްތަކެއް
މިރޭގެ ޖަލްސާގައި ވަނީ ދިވެހި މަސްވެރި އުފެއްދުންތައް ބޭރުގެ ބާޒާރުތަކުގައި މާކެޓްކޮށް، ޕްރޮމޯޓްކުރުމަށްޓަކައި އުފެއްދި ފްރޮމް މޯލްޑިވްސްގެ ވެބްސައިޓް ވެސް އިފްތިތާހްކޮށްފަ އެވެ.
މޯލްޑިވްސް ފިޝަރީޒް ކޮމްޕެނީ ލިމިޓެޑް (މިފްކޯ)އަށް މަސްކިރުވަން ގިނަ އިރު ކިޔުގައި ޖެހުމަށް ހައްލެއް ގެނައުމަށާއި އައިސް ޕްލާންޓުތަކުގައި އައިސް ލިބެންހުރި ބަލައިލެވޭ ގޮތަށް ހާއްސަ އެޕްލިކޭޝަންތަކެއް މިރޭ ތައާރަފްކޮށްފި އެވެ.
މަސްވެރިންގެ ދުވަސް ފާހަގަކުރުމަށް މިރޭ ރ. ދުވާފަރުގައި ބޭއްވި ރަސްމީ ޖަލްސާގައި "މަސްކިރާ"ގެ ނަމުގައި އިފުތިތާހުކުރި "މަސްކިރާ" އެޕްލިކޭޝަނަކީ މަސްވެރިން މަސްކިރަން ދާއިރު، އެހެން ބައެއްގެ ބައިވެރިވުމެއް ނެތި، އޮޓޯ ޖެނެރޭޓް ކުރެވޭ ކިއޫ ނަންބަރެއް ލިބޭގޮތަށް އަދި އެނޫންވެސް ގިނަ ފަސޭހަތަކެއް ހިމެނޭގޮތަށް ފަރުމާކޮށްފައިވާ އެޕެއް ކަމަށް މިފްކޯއިން ބުންޏެވެ.
"ކެޔޮޅާ މޯލްޑިވްސް"ގެ ރައީސް ޝަފްގާ ޝަފީގުގެ ކޮންސެޕްޓަކަށް ފަރުމާކޮށް، މިފްކޯއާ ގުޅިގެން ތައާރަފުކުރެވޭ މި އެޕަކީ ފުޅާ ދާއިރާއެއްގައި މަސްވެރިންގެ ހިޔާލާއި މަޝްވަރާވެސް ހޯދައިގެން ތައްޔާރުކޮށްފައިވާ އެޕެއް ކަމަށް އެ ކުންފުނިން ބުންޏެވެ.
ދެން މިރޭ އިފްތިތާހު ކުރެވިފައިވަނީ، އައިސް ޕްލާންޓްތަކުގައި އައިސް ލިބެން ހުރި މިންވަރު މެދުވެރިކޮށް އޮންލައިންކޮށް ބެލޭ ގޮތަށް ފަރުމާކޮށްފައިވާ "ކެޔޮޅު އެޕް" އެވެ.
ކެޔޮޅު އެޕްލިކޭޝަންގައި ހިމަނާފައިވާ މި ފީޗާ މެދުވެރިކޮށް، ރާއްޖޭގައި އައިސް ވިއްކާ ޕްލާންޓްތައް ހުންނަ ސަރަހައްދުތަކާއި ރަށްތަކުގެ މައުލޫމާތު ލިބޭނެ އެވެ.
އަދި އެ އައިސްޕްލާންޓްތަކުގައި އައިސް އުފައްދާފައި ހުރި މިންވަރާއި، އަދި ދޯނިތަކަށް ލިބޭނެ މިންވަރު އެނގޭނެ އެވެ.
މިރޭގެ ޖަލްސާގައި ވަނީ ދިވެހި މަސްވެރި އުފެއްދުންތައް ބޭރުގެ ބާޒާރުތަކުގައި މާކެޓްކޮށް، ޕްރޮމޯޓްކުރުމަށްޓަކައި އުފެއްދި ފްރޮމް މޯލްޑިވްސްގެ ވެބްސައިޓް ވެސް އިފްތިތާހްކޮށްފަ އެވެ.
ކޮމެންޓް
Republic of Maldives