އެމްއެންއޭސީއައި ބިލްޑާސް އެވޯޑްސް | ޕްލެޓިނަމް ޕާޓްނަރަކަށް ހަރިމް

ރާއްޖޭގެ ގައުމީ ކޮންސްޓްރަކްޝަން ޖަމިއްޔާ، މޯލްޑިވްސް ނޭޝަނަލް އެސޯސިއޭޝަން އޮފް ކޮންޓްރަކްޝަން އިންޑަސްޓްރީ (އެމްއެންއޭސީއައި) ގެ "އެމްއެންއޭސީއައި ބިލްޑާ އެވޯޑް 2025" ގެ ޕްލެޓިނަމް ޕާޓްނަރަކަށް ހޮޓެލްސް އެންޑް ރިސޯޓްސް އިންވެސްޓްމަންޓްސް މޯލްޑިވްސް (ހަރިމް) ހަމަޖައްސައިފި އެވެ. 

އެމްއެންއޭސީއައި ބިލްޑާ އެވޯޑް އިންތިޒާމު ކުރާ ކުންފުނިން ބުނީ ޕްލެޓިނަމް ސްޕޮންސަރު ކަމަށްވާ ހޮޓެލްސް އެންޑް ރިސޯޓްސް އިންވެސްޓްމަންޓްސް މޯލްޑިވްސްއަކީ ރާއްޖޭގެ ކުރިއަރަމުންދާ ޢިމާރާތްކުރުމުގެ އަދި އިންފްރާސްޓްރަކްޗާ ދާއިރާގައި އެންމެ ކުރިއަރާފައިވާ ކުންފުންޏެކެވެ. 

އެމްއެންއޭސީއައި ބިލްޑާ އެވޯޑް 2025" އަށް ކުރިމަތިލުމުގެ ފުރުސަތު ކުރިން ހުޅުވާލާފައި އޮތީ މިމަހުގެ 30 ގެ ނިޔަލަށެވެ. ނަމަވެސް ކުރިމަތިލުމުގެ ފުރުސަތު އަންނަ މަހުގެ ހަތަރު ވަނަ ދުވަހަށް އިތުރުކޮށްފަ އެވެ.

މި އެވޯޑު ހަލްފާ އޮންނާނީ މި މަހުގެ 18 ވަނަ ދުވަހު އެވެ. އެމްއެންއޭސީއައި ބިލްޑާ އެވޯޑްސް ފުރަތަމަ ބާއްވާފައިވަނީ ޑިސެމްބަރު 2023 ގައެވެ. މި އެވޯޑުތައް ބާއްވަމުން އަންނަނީ ކޮންމެ ދެ އަހަރަކުން އެއް ފަހަރު އެވެ. 

އެވޯޑުގެ ބޭނުމަކީ ދިވެހިރާއްޖޭގެ އިމާރާތްކުރުމުގެ ދާއިރާއަށް ހިތްވަރުދިނުމެވެ. މިގޮތުން ހަތަރު ގިންތިއަކުން އެވޯޑު ދޭނެ އެވެ.

އެމްއެންއޭސީއައި ބިލްޑަ އެވޯޑް 2025 ގައި 19 ކެޓަގަރީއަކުން އެވޯޑު ދޭނެ އެވެ. މި އެވޯޑު އެކި ދާއިރާތަކުން ދޭނެ އެވެ. އެގޮތުން ކޮންޓްރެކްޓަރުންނާއި ސަޕްލަޔަރުން އަދި އެ ދާއިރާގެ އައު އުފެއްދުންތައް ތައާރަފުކުރާ ފަރާތްތައްވެސް ހިމެނެ އެވެ. މީގެ އިތުރުން އެންމެ ހާއްސަ އެއް އެވޯޑަކީ އެމްއެންއޭސީއައި ޕްރެސިޑެންޓް ސްޕެޝަލް އެވޯޑެވެ.

މި އަހަރުގެ އެވޯޑުގައި ފާހަގަކޮށްވެލޭ ވަނަތަކުގެ ތެރޭގައި އެސްއެމްއީ ކޮންޓްރެކްޓަރ އޮފް ދަ އިޔާ އާއި ރިޒޯޓް ކޮންޓްރެކްޓާ އޮފް ދަ އިޔާ އަދި ޔަންގް ބިލްޑާ އެވޯޑް ވެސް ހިމެނެ އެވެ.