އެލައިޑް ފެސްޓް މާލޭ އެޑިޝަން | އާޓިފިޝަލް ބީޗުގައި ގިނަ ހަރަކާތްތަކެއް

އެލައިޑް އިންޝުއަރެންސް ކޮމްޕެނީ އިން ސިލްސިލާކޮށް ބާއްވަމުން އަންނަ އެލައިޑް ފެސްޓް" މާލޭ އެޑިޝަން މިހާރު ފަށާފައިވާއިރު މިއަދުވެސް ފޯރިގަދަ ގިނަ ހަރަކާތްތަކެއް އޮންނާނެ އެވެ. 

އާޓިފިޝަލް ބީޗުގައި މިއަދު 6:00 ގެ ނިޔަލަށް ކުރިއަށް ގެންދާ "އެލައިޑް ފެސްޓް 2025 މާލޭ އެޑިޝަން" ވެގެންދަނީ އާއިލާތަކާއި ކުޑަކުދިންނަށް އުފާވެރި މާހައުލެއް ލިބިގެންދާނެ ފޯރިގަދަ ހަރަކާތްތަކަށެވެ. މި ހަރަކާތަކީ އެލައިޑަށް 40 އަހަރު ފުރުން ފާހަގަކުރުމުގެ ހާއްސަގެން ކުރިއަށް ގެންދާ ހަރަކާތެކެވެ.  

މާލެ ސިޓީ އެލައިޑް ފެސްޓްއަށް ޒިޔާރަތް ކުރާ ފަރާތްތަކުން އެތަނުގައި ހުންނަ ކިއުއާުރު ކޯޑެއް ސްކޭންކޮށްލުމުން ހާއްސަ އިނާމެއްވެސް ލިބިގެންދާނެ އެވެ. 

އެލައިޑް ފެސްޓް އެންމެ ފަހުން ބާއްވާފައިވަނީ މި ސިލްސިލާގެ އެންމެ ފަހު ފުވައްމުލަކުގައި މި އަހަރު އޮގަސްޓް 29 ވަނަ ދުވަހު އެވެ. އެފަހަރު 3,000 އަށްވުރެ ގިނަ އާއިލާ ބައިވެރިވެފައިވެއެވެ. އަދި މި އަހަރުގެ މެއި މަހުގެ 10 ވަނަ ދުވަހު ކުޅުދުއްފުށި ސިޓީ އަދި އައްޑޫ ސިޓީގައި ޖޫން 30 ވަނަ ދުވަހު ވެސް މީގެ އެޑިޝެއް ބޭއްވި އެވެ.

އެލައިޑް ފެސްޓް މާލެ އެޑިޝަންގައި ކުރިއަށް ގެންދާ ކުޅިވަރުތަކުގައި ގިނަ އަދަދެއްގެ އާއިލާތަކެއް ވަނީ ބައިވެރިވެފަ އެވެ. މިގޮތުން ހުރި ގޭމްތަކުގައި ގިނަ އަދަދެއްގެ ކުދިން ބައިވެރިވެ އުފާވެރި ވަގުތު ކޮޅެއް ވަނީ ހޭދަކޮށްފަ އެވެ.