އެފްޑީސީގެ 4،000 ފްލެޓު ހަވާލުކޮށް ނިންމަން އާ ތާރީހުތަކެއް
ގެދޮރުވެރިޔާ ސްކީމްގެ ދަށުން އަޅާ ފްލެޓްތައް
ކުރީގެ ސަރުކާރުގެ ގެދޮރުވެރިޔާ ސްކީމްގެ ދަށުން ފަހިދިރިއުޅުން ކޯޕަރޭޝަން (އެފްޑީސީ)އިން ހުޅުމާލޭގައި ގާއިމުކޮށްފައިވާ 4،000 ފްލެޓު ހަވާލުކޮށް ނިންމަން ކަނޑައަޅާފައިވާ ތާރީހު ފަސްކޮށް، އާ ތާރީހުތަކެއް އެ ކުންފުނިން މިއަދު އިއުލާނުކޮށްފި އެވެ.
ފްލެޓުތައް ނިމޭވަރަކުން ހަވާލުކުރާ ގޮތަށް، މިދިޔަ އޮކްޓޯބަރު މަހު ތަޅުދަނޑި ހަވާލުކުރީ އަމާން އުދަރެސްގެ 14 ވަނަ ޓަވަރުން ފްލެޓު ލިބުނު މީހުންނަށެވެ.
އެފްޑީސީން ކުރިން ބުނެފައިވާ ގޮތުގައި މި މަހުގެ ނިޔަލަށް އެ ޓަވަރަކުން ފްލެޓުތައް އެންމެންނަށް ހަވާލުކޮށް ނިމޭނެ އެވެ. ނަމަވެސް މިހާރު އައިސްފައިވާ ބަދަލާ އެކު ފްލެޓުތައް ދީ ނިމޭނީ ޖެނުއަރީ މަހުގެ ފަހު ހަފްތާގައި ކަމަށް މިހާރު ވަނީ ބުނެފަ އެވެ.
ފްލެޓުތައް ހަވާލުކޮށް ނިންމަން ދިން އާ ތާރީހުތައް:
- އަމާން އުދަރެސްގެ 11، 12، 13، 15 އަދި 16 ވަނަ ޓަވަރުން ފްލެޓުތައް މި މަހުގެ ދެވަނަ ހަފުތާ
- އަމާން އުދަރެސްގެ 8 ވަނަ ޓަވަރުގެ ފްލެޓުތައް ޖެނުއަރީ 3 ވަނަ ހަފުތާ
- އަމާން އުދަރެސްގެ 1، 2، 3، 4 އަދި 7 ވަނަ ޓަވަރުގެ ފްލެޓުތައް ޖެނުއަރީ 4 ވަނަ ހަފުތާ
- އަމާން އުދަރެސްގެ 5 އަދި 6 ވަނަ ޓަވަރު ޖެނުއަރީ 3 ވަނަ ހަފުތާ
- އަމާން އުދަރެސްގެ 9 އަދި 10 ވަނަ ޓަވަރުގެ ފްލެޓުތައް ޖެނުއަރީ 5 ވަނަ ހަފުތާ
- އަމާން ދޯދި 1، 2، 3، 4، 12، 13، 14 ވަނަ ޓަވަރު - ޖެނުއަރީ ފަހު ހަފުތާ
- އަމާން ދޯދި 15 އަދި 16 ވަނަ ޓަވަރު، ޖެނުއަރީ 2 ވަނަ ހަފުތާ
- އަމާން ދޯދި 5، 6، 7، 8، 9، 10 އަދި 11 ގެ ޓަވަރުތައް ޖެނުއަރީ ފަހު ހަފުތާ
ކޮމެންޓް
0
Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
Republic of Maldives
© 2025 Mi. All rights reserved.