ސިލޯނަށް އެހީގެ ގޮތުގައި އެސްޓީއޯއިން 250،000ރ. ހަދިޔާކޮށްފި

ސްރީލަންކާ އަށް ތޫފާނުގެ ސަބަބުން ގެއްލުންތަކަށް އެހީވާން މީޑިއާތަކުން ހިންގާ "ސިލޯނާއެކު ދިވެހީން" ޓެލެތޯން މެދުވެރިކޮށް އެސްޓީއޯއިން 250,000 ރުފިޔާގެ ފައިސާގެ އެހީއެއް ދީފި އެވެ. 

ގައުމީ ޓީވީން 48ގ ގަޑިއިރަށް ކުރިއަށްދާ މި ޓެލެތޯން މެދުވެރިކޮށް ލަންކާއަށް އެހީވާން ދިން އެސްޓީއޯއިން ދިން މި އެހީ ހަވާލުކުރި މި އެހީއަކީ އެސްޓީއޯ ގްރޫޕުގައި ހިމެނޭ އެލައިޑް އިންޝުއަރެންސާއި މޯލްޑިވް ގޭސް އަދި ފިއުލް ސަޕްލައި މޯލްޑިވްސް (އެފްއެސްއެމް) އަދި މޯލްޑިވްސް ސްޓޭޓް ޝިޕިން (އެމްއެސްއެސް) އިން ދިން އެހީތެރިކަމެކެވެ. 

މި ޓެލެތޯނަށް މިހާތަނަށް ވަނީ 6 މިލިޔަން ރުފިޔާއާ ގާތްކުރާ އަދަދަކަށް ފައިސާގެ އެހީ ލިބިފައެވެ.

ޕީއެސްއެމްއިން އިސް ނަގައިގެން 37 މީޑިއާ ހައުސްގެ ބައިވެރިވުމާއެކު ކުރިއަށް ގެންދާ މި ޓެލެތޯން މިއަދު މެދުންދުގެ 1:00 އާ ހަމައަށް ކުރިއަށްދާނެ އެވެ. މި ޓެލެތޯން މެދުވެރިކޮށް މިހާތަނަށް ފަސް މިލިއަން ރުފިޔާ ވަނީ އެއްކޮށްފަ އެވެ.