ދެ މިލިއަން ޓޫރިސްޓުން ހަމަވެ، އާ ޓާގެޓަކަށް
ރާއްޖޭގެ 50 އަހަރުވީ ޓޫރިޒަމް ތާރީހުގައި މިހާތަނަށް އެއް އަހަރެއްގެ މައްޗަށް އެންމެ ގިނައިން ޓޫރިސްޓުން އައިސްފައިވަނީ މިދިޔަ 26، ޑިސެމްބަރު 2024 ވަނަ ދުވަހު އެވެ. އެއީ ދެ މިލިއަން ޓޫރިސްޓުންނެވެ.
ރާއްޖެއަށް މިހާތަނަށް އެއް އަހަރެއްގެ ތެރޭ އެންމެ ގިނައިން ޓޫރިސްޓުން އައުމުގެ ރެކޯޑް ފަހަނަ އަޅައި، ރާއްޖޭން އާ ރެކޯޑަކަށް އަމާޒު ހިފައިފި އެވެ.
ރާއްޖޭގެ 50 އަހަރުވީ ޓޫރިޒަމް ތާރީހުގައި މިހާތަނަށް އެއް އަހަރެއްގެ މައްޗަށް އެންމެ ގިނައިން ޓޫރިސްޓުން އައިސްފައިވަނީ މިދިޔަ އަހަރު އެވެ. މި އަދަދު ހަމަވެފައިވަނީ މިދިޔަ 26، ޑިސެމްބަރު 2024 ވަނަ ދުވަހު ރާއްޖެއަށް ދެ މިލިއަން ޓޫރިސްޓުން ހަމަވުމާ ގުޅިގެންނެވެ. މި އަހަރު ދެ މިލިއަން ޓޫރިސްޓުން ހަމަވެފައި މިވަނީ މިދިޔަ އަހަރަށްވުރެ އެއް މަސް ދުވަސް ކުރިންނެވެ.
ސަރުކާރުން ވަނީ މި ދެ މިލިއަން ޓޫރިސްޓުންގެ ޓާގެޓަށްވުރެ މި އަހަރު އިތުރަށް ޓޫރިސްޓުން އަންނާނެ ކަމަށް އަންދާޒާކޮށްފަ އެވެ. މި އަހަރު 2.2 މިލިއަން ޓޫރިސްޓުން ހަމަވާނެ ކަމަށް ޓޫރިޒަމް ބޯޑު ވިޒިޓް މޯލްޑިވްސް ކޯޕަރޭޝަނުން ބުނެފައިވެ އެވެ.
ދެ މިލިއަން ވަނަ ޓޫރިސްޓަކަށް މިއަދު ރާއްޖެ އައިސްފައި ވަނީ ބެތެނީ ސެރާ ކާސްވެލް ކިޔާ އިނގިރޭސިވިލާތުގެ އަންހެނެކެވެ. މިނިސްޓްރީން ވަނީ ވެލާނާ އިންޓަނޭޝަނަލް އެއާޕޯޓުގައި އޭނާ ރާއްޖެ އައުން ކުލަ ގަދަކޮށް ފާހަގަކޮށްފަ އެވެ.
އެންމެ ގިނައިން ޓޫރިސްޓުން އައި އަހަރުތައް
- 1.7 މިލިއަން ޓޫރިސްޓުން - 2019
- 1 މިލިއަން ޓޫރިސްޓުން - 2021
- 1.7 މިލިއަން ޓޫރިސްޓުން - 2022
- 1.8 މިލިއަން ޓޫރިސްޓުން - 2023
- 2 މިލިއަން ޓޫރިސްޓުން - 2024
ޓޫރިސްޓުންގެ އަދަދު އިތުރުވަމުންދާއިރު، އަހަރަށްވުރެ އަހަރެއް ޓޫރިޒަމަށް ލިބޭ އާމްދަނީ ވެސް ދަނީ އިތުރުވަމުންނެވެ. އާމްދަނީއަށް ބަލާއިރު 2019 ވަނަ އަހަރު ޓޫރިޒަމަށް 3.9 ބިލިއަން ޑޮލަރުގެ އާމްދަނީއެއް ލިބިފައިވެ އެވެ. މިދިޔަ އަހަރު މި އަދަދު ވަނީ 4.8 ބިލިއަން ޑޮލަރަށް އުފުލިފަ އެވެ.
ކޮމެންޓް
Republic of Maldives