ސީޕީ ނަވީން އާއި އިތުރު އޮފިސަރުންތަކެއް ސަސްޕެންޑް ކުރަން ހުށަހަޅަނީ
އެނގިފައިވާ ގޮތުގައި އެގޮތަށް ކޮމެޓީން ފާސްކުރީ، ފުލުހުންގެ ވެލްފެއާ ކުންފުނި ޕޮލްކޯ އާއި އެހެނިހެން ބައެއް ކަންކަމާ ގުޅޭ ކޮރަޕްޝަންގެ މައްސަލަތަކެއްގެ ތުހުމަތުގަ އެވެ.
ޕޮލިސް ކޮމިޝަނަރު އިސްމާއިލް ނަވީން އާއި ފުލުހުންގެ އިސް އޮފިސަރުންތަކެއް ސަސްޕެންޑު ކުރުމަށް ރައީސް ޑރ. މުހައްމަދު މުއިއްޒަށް ލަފާ ދިނުމަށް ރައްޔިތުންގެ މަޖިލީހުގެ މާލިއްޔަތު ކޮމެޓީ އިން ފާސްކޮށްފި އެވެ.
ސިއްރުކޮށްގެން މިއަދު ކުރިއަށް ގެންދިޔަ މާލިއްޔަތު ކޮމެޓީން ނިންމާފައި ވަނީ ނަވީން ހިމެނޭހެން ފުލުހުންގެ އިސް ހަތް އޮފިސަރެއް ސަސްޕެންޑް ކުރަން ހުށަހެޅުމަށެވެ. އެނގިފައިވާ ގޮތުގައި އެގޮތަށް ކޮމެޓީން ފާސްކުރީ، ފުލުހުންގެ ވެލްފެއާ ކުންފުނި ޕޮލްކޯ އާއި އެހެނިހެން ބައެއް ކަންކަމާ ގުޅޭ ކޮރަޕްޝަންގެ މައްސަލަތަކެއްގެ ތުހުމަތުގަ އެވެ.
ސަސްޕެންޑް ކުރަން ހުށަހަޅާ އޮފިސަރުންނަކީ؛
- 1.ޕޮލިސް ކޮމިޝަނަރު އިސްމާއިލް ނަވީން
- 2.އެސިސްޓެންޓް ކޮމިޝަނަރު މުހައްމަދު ދާއޫދު
- 3.އެސިސެންޓް ކޮމިޝަނަރު އަހުމަދު އަބްދުއްރަހުމާން
- 4.އެސިސްޓެންޓް ކޮމިޝަނަރު މޫސާ އަލީ
- 5.އެސިސްޓެންޓް ކޮމިޝަނަރު މުހައްމަދު ބަޝީރު
- 6.އެސިސްޓެންޓް ކޮމިޝަނަރު މުހައްމަދު ރަޝީދު
- 7.ސުޕްރިންޓެންޓް އޮފް ޕޮލިސް އިސްމާއިލް ޝަމީމް (އިންޓެލިޖެންސްގެ ހެޑް)
މީގެ ތެރެއިން ދާއޫދާއި ޝަމީމްގެ މައްސަލަ ކޮމިޓީން ބަލާފައި ވަނީ ވިސްލްބްލޯވަރަކު ފޮނުވި ސިއްރު ސިޓީއަކާ ގުޅިގެންނެވެ.
މާދަމާ އޮންނަ މަޖިލީހުގެ ޖަލްސާއަށް އެ މައްސަލަ އެޖެންޑާ ކުރާނެ ކަމަށް ބެލެވެ އެވެ.
ކޮމެންޓް
Republic of Maldives