ހުޅުމާލެބާ އިންޖީނު ގޭގެގައި ހިނގި ހާދިސާ | ތަކުރާރު ވިޔަ ނުދޭން ފިޔަވަޅު

ސްޓެލްކޯއިން ބުނީ ހުޅުމާލޭ ބައު އިންޖީނުގޭގެ ސްވިޗްގިއަރއަކަށް ދިމާވި މައްސަލައެއް ޙައްލުކުރުމުގެ މަސައްކަތް ކުރަމުން ދަނިކޮށް، ހިނގައިދިޔަ ހާދިސާއެއްގައި މިއަދު މި ކުންފުނީގެ މުވައްޒަފެއްގެ ހަށިގަނޑު އެކި ތަންތަން ފިހިފައިވާ ކަމަށެވެ.

ސްޓެލްކޯ އެމްޑީ އަޙްމަދު ޝަމާހް -- ފޮޓޯ : ރައީސް އޮފީސް

ހުޅުމާލެ ބާ އިންޖީނު ގޭގައި މިއަދު ހިނގި ހާދިސާއެއްގައި މުވައްޒަފަކު ފިހި އަނިޔާވެފައިވާތީ، އެފަދަކަމެއް ތަކުރާރު ވިޔަ ނުދިމަށް ފިޔަވަޅުތައް އަޅަން ޖެހޭ ކަމަށް ސްޓެލްކޯ އިން ބުނެފި އެވެ.

މި ހާދިސާއާ ބެހޭ ގޮތުން ސްޓެލްކޯއިން ނެރުނު ބަޔާނެއްގައި ބުނީ ހުޅުމާލޭ ބައު އިންޖީނުގޭގެ ސްވިޗްގިއަރއަކަށް ދިމާވި މައްސަލައެއް ޙައްލުކުރުމުގެ މަސައްކަތް ކުރަމުން ދަނިކޮށް، ހިނގައިދިޔަ ހާދިސާއެއްގައި މިއަދު މި ކުންފުނީގެ މުވައްޒަފެއްގެ ހަށިގަނޑުގެ އެކި ތަންތަން ފިހި ސީރިއަސް އަނިޔާތަކެއް ވަނީ ލިބިފަ އެވެ.

މިރާއަށް އެނގިފައިވާ ގޮތުގައި މި ހާދިސާގައި ފިހިގެން އަނިޔާވެފައިވަނީ 43 އަހަރުގެ ދިވެހި ފިރިހެނަކަށެވެ، އަދި މިއީ ސްޓެލްކޯގައި މަސައްކަތް ކުރާ ތަޖުރިބާކާރު އިންޖިނޭރެކެވެ.

ސްޓެލްކޯ އިން ބުނީ މިހާދިސާ ހިނގި ވަގުތު އެތަނުގައި ތިބި އެހެން މުވައްޒަފުންގެ އެހީތެރިކަމާއެކު އެމުވައްޒަފަށް ވަގުތުން ފަރުވާ ދިނުމުގެ އިންތިޒާމް ހަމަޖައްސައި، އެހީތެރިކަން ވަނީ ފޯރުކޮށްދެވިފަ އެވެ.

އަނިޔާ ލިބުނު މުވައްޒަފަށް ހުޅުމާލޭ ހޮސްޕިޓަލްގައި ފާރުވާދިނުމަށްފަހު އިތުރުފަރުވާއަށް މިހާރު ވަނީ އޭޑީކޭ ހޮސްޕިޓަލަށް ބަދަލުކުރެވިފަ އެވެ. މި ހާދިސާއާއި ގުޅިގެން އަނިޔާވި މުވައްޒަފުގެ ފަރުވާއާއި ގުޅޭ އެންމެހާ ކަންކަން ވަރަށް ގާތުން ބަލައި، ކުންފުނީގެ ފަރާތުން ފޯރުކޮށްދެވެން އޮތް ހުރިހާ އެހީތެރިކަމެއް ފޯރުކޮށްދިނުމަށް މުވައްޒަފުގެ ޢާއިލާއާއި ގުޅިގެން މި ދަނީ މަސައްކަތް ކުރަމުންނެވެ.

މި ހާދިސާ ހިނގަން މެދުވެރިވި ސަބަބު ދެނެގަނެ، މިފަދަ ހާދިސާތައް ތަކުރާރުވިޔަ ނުދިނުމަށްޓަކައި އަޅަންޖެހޭ އެންމެހައި ފިޔަވަޅުތައް އެޅުމުގެ މަސައްކަތް މި ކުންފުނިން މިހާރު މި ދަނީ ކުރަމުންނެވެ. އަދި ހަމަ މިއާއިއެކު މި ހާދިސާގެ މިނިވަން ތަޙުޤީޤެއް ދިވެހި ފުލުހުންގެ ހިދުމަތުން ވެސް ފަށާފައިވާތީ، އެ ފަރާތަށް ދޭންޖެހޭ ހުރިހާ އެއްބާރުލުމެއް ވެސް މި ކުންފުނިން މި ދަނީ ދެމުންނެވެ.

އެ ކުންފުނިން ބުނީ މި ނާޒުކު ހާލަތުގައި އަނިޔާވި މުވައްޒަފުގެ ޢާއިލާއަށް އިތުރު ހިތާމައާއި ނުތަނަވަސްކަން ލިބިދާނެފަދަ ހުރިހާ ޢަމަލަކުން ދުރުހެލިވުމަށާއި ކަމާގުޅޭ ރަސްމީ އިދާރާތަކުން ކަށަވަރުކޮށްދީފައިނުވާ މަޢުލޫމާތު ފެތުރުމުންވެސް ދުރުހެލިވުމަށް އެންމެހާ ފަރާތްތަކަށް އިލްތިމާސް ކުރަމެވެ. އަދި އަނިޔާވި މުވައްޒަފުގެ ސިއްޙީ ޙާލަތާއި ގުޅޭ މަޢުލުމާތު ލިބެމުންދާވަރަކުން ރަސްމީ އިދާރާތަކުންނާއި މި ކުންފުނީގެ ފަރާތުން ހާމަކުރާނެ ވާހަކަ ދަންނަވަމެވެ. ސްޓެލްކޯގެ ބަޔާނުގައި ވަނީ މި ހާދިސާގައި އަނިޔާވި މުވައްޒަފަށް އަވަސް ޝިފާއެއް މިންވަރު ކުރައްވައި އާއިލާއަށް ކެތްތެރިކަން މިންވަރުކޮށްދިނުމަށް އެދިފަ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.