މާލެ އާއި ހުޅުމާލޭން ކަރަންޓު ދިޔަ ސަރަހައްދުތަކަށް ކަރަންޓު ދީފި
ކަރަންޓު ކެނޑިފައި ވަނީ ހުޅުމާލޭގެ ބައު އިންޖީނުގޭގެ މީޑިއަމް ވޯލްޓޭޖް ޕެނަލަކަށް ދިމާވި މައްސަލައަކާއި ގުޅިގެންނެވެ.
މައްސަލައެއް ދިމާވެ، ހުޅުމާލެ އާއި މާލޭން ކަރަންޓު ކެނޑުނު ސަރަހައްދުތަކަށް އަލުން ކަރަންޓު ދީފި އެވެ.
ކަރަންޓު ކެނޑިފައި ވަނީ ހުޅުމާލޭގެ ބައު އިންޖީނުގޭގެ މީޑިއަމް ވޯލްޓޭޖް ޕެނަލަކަށް ދިމާވި މައްސަލައަކާއި ގުޅިގެންނެވެ. އެހެންވެ، މާލެއާއި ހުޅުމާލެއަށް ކަރަންޓު ދިނުމަށް ބޭނުންކުރާ ބައެއް ފީޑަރުތައް އޮފް ވެ ބައެއް ސަރަހައްދުތަކުން ވަނީ ކަރަންޓު ކެނޑިފަ އެވެ.
ބޮނޑިބަތް ޕާކް ސަރަހައްދު ފިޔަވައި މާލޭގެ ހުރިހާ ސަރަހައްދުތަކަށް ކަރަންޓު ކެނޑުނެވެ.
ނަމަވެސް މިކަރަންޓު ކެނޑުނު ސަރަހައްދުތަކަށް ކަރަންޓު ދީފައިވާ ކަމަށް ސްޓެލްކޯ އިން ބުންޏެވެ.
ސްޓެލްކޯއިން ބުނީ ހުޅުމާލޭގެ ބައު އިންޖީނުގޭގެ ސްވިޗް ގިއާ އަށް ދިމާވި މައްސަލައެއް ހައްލު ކުރަމުން ދަނިކޮށް، އަލިފާނުގެ ހާދިސާއެއް ހިނގައި އެ ކުންފުނީގެ މުވައްޒަފަކަށް އެކި ވަރުގެ އަނިޔާތަކެއް ލިބިގެން ހުޅުމާލެ ހޮސްޕިޓަލުގައި ފަރުވާ ވެސް ދެމުންދާ ކަމަށެވެ.
ކޮމެންޓް
Republic of Maldives