ޗައިނާގެ ޓުޒިކާސާ އާއި ބިލްޑްޓެކުން ސޮޔެއް | ފަރުނީޗަރު ތައްޔާރުކޮށްގެން ގެނެސްދޭނެ

ޗައިނާގެ މަޝްހޫރު ފަރުނީޗަރު އުފައްދާ ކުންފުންޏެއްކަމަށްވާ ޓުޒި ކާސާއާއި ގެދޮރުއިމާރާތް ކުރުމުގައި ކުރިއަރާފައިވާ ކަލަލޭންޑް ގުރޫޕުގެ ކުންފުންޏެއް ކަމަށްވާ ބިލްޑްޓެކް ޕްރައިވެޓް ލިމިޓެޑާއި ދެމެދު ވިޔަފާރީގެ އެއްބަސްވުމެއްގައި ސޮއިކޮށްފި އެވެ. 

މި އެއްބަސްވުމުގެ މައިގަނޑު މަގްސަދަކީ ޗައިނާގެ ފޮޝާންގައި ހުންނަ ޓުޒި ކާސާގެ ފެކްޓަރީތަކުން ދިވެހިން ބޭނުންވާ ކަސްޓަމައިޒް ޑިޒައިންތަކަށް ފަރުނީޗަރާއި ހިފާގެންގުޅޭތަކެތި ހައްދައިގެން ރާއްޖެ ގެނެސް، އެތުރުމާއި ރޭވުމުގެ ޚިދުމަތް ދިވެހިންނަށް އަތް ފޯރާފަށުގައި ފޯރުކޮށްދިނުމެއެވެ.

މި އެއްބަސްވުމުގެ ސަބަބުން ގެއެއް އިމާރާތްކުރުމަށްފަހު ގޭގެ އެތެރޭގެ ފިނިޝިން ހެދުމަށާއި ގެއަށްބޭނުންވާ ފަރުނީޗަރު ހޯދުމަށް އެކިއެކި ތަންތަނަށް ދުވަންޖެހޭ ދުވުން ނިމުމަކަށްގެނެސް، ގެއަށްބޭނުންވާ ހުރިހައި ތަކެތިއެއްތާކުން ފޯރުކޮށްދިނުމުގެ ގޮތުން ބިލްޑްޓެކް އިން ކުރަމުން އަންނަ މަސައްކަތުގައި ޓުޒި ކާސާއާއި އެކު މިވެވުނު އެއް ބަސްވުމަކީ ވަރަށްވެސް މުހިންމު ދައުރެއް އަދާކުރާނެ އެވެ. 

ބިލްޑްޓެކްގެ ފަރާތުން މިއެއްބަސްވުމުގައި ސޮއިކުރެއްވުމަށްފަހު ޑިރެކްޓަރު އަލީ ފަޔާޒް މި އެއްބަސްވުމުގެ ސަބަބުން ފްލެޓުތަކަށް ވަންނަ ފަރާތްތަކަށް އިތުރު ފުރުސަތުތަކެއް ހުޅުވިގެންދާނެ އެވެ.

"އަޅުގަނޑުމެން ދިރިއުޅެނީ ވަރަށްވެސް ކުދި ކޮޓަރިތަކުގަ. މިތަން ތަނަށް ސްޓޭންޑަރޑް އަލަމާރިއެއް ގެންނައިރާ ކޮޓަރި ފުރޭ. އެހެންވީމަ ބޭނުން ކަސްޓަމައިޒް ޑިޒައިން. އެކޮޓަރިއަކާއި އެކަޝޭނަ ސައިޒުގެ ކަބަޑުތަށް ބޭނުންވަނީ. ރަނގަޅު އަގުގަ އަދި ރަނގަޅު ކޮލިޓީގެ ކެބިނެޓްރީ ބޭނުންވަނީ. ބޭނުންވާ ޑިޒައިން، ސީދާ ޗައިނާއިން ގެއަށް ގެނެވޭނެގޮތް މިވީ. އެވެސް އެކަޝޭނަ އަގުގަ" ފަޔާޒް ވިދާޅުވި އެވެ.

ޓުޒި ކާސާގެ ސީއީއޯ ފްރޭންކް ޒެންގް ވިދާޅުވީ ބިލްޑްޓެކްއާއި އެކު މިވެވުނު އެއްބަސްވުމުގެ ސަބަބުން ޓުޒި ކާސާގެ ތަފާތު ޑިޒައިންތައް ރާއްޖޭގެ ސައިޒުތަކަށް ތައްޔާރުކޮށް ޓުޒި ކާސާގެ ކުއަލިޓީގައި ދިވެހިންނަށް ފޯރުކޮއްދެވޭނެކަމަށެ އެވެ.

ޓުޒި ކާސާއަކީ ކޮން ބައެއް ؟ - ޓުޒި ކާސާއަކީ ދުނިޔޭގެ ފެންވަރަށް ކެބިނެޓްރީ ތައްޔާރު ކުރުމުގެ އިތުރުން އިމާރާތުގެ އެތެރޭގެ ފިނިޝިންގްއަށް ބޭނުންވާ ތަފާތު ޑިޒައިންތަކުގެ ފުލޯރިންގއާއި، ސީލިންގް ޕެނަލާއި ސީލިންގް ލައިޓްވެސް ބޭނުންވާ ފަރާތްތަކަށް ފޯރުކޮއްދޭ ބޮޑު ކުންފުންޏެކެވެ. ޓުޒި ކާސާގެ ކާރުހާނާތަކުން ފާއިތުވެދިޔަ 12 އަހަރުދުވަހުގެ ތެރޭގައި ނޯތު އެމެރިކާއާއި، މެދު އިރުމައްޗާއި އެފްރިކާ ބައްރާއި އަދި ޔޫރަޕުގެ އެކިއެކި ގައުމުތަކަށް ފަރުނީޗަރު ސަޕްލައި ކޮށްދީފައިވެއެވެ. އެގޮތުން އެ ކުންފުނީގެ އުފެއްދުންތައް މިހާތަނަށް 56 އަށްވުރެ ގިނަ ގައުމަކަށް ފޯރުކޮއްދީފައިވެ އެވެ.

ރާއްޖޭގެ އިމާރާތްކުރުމުގެ ދާއިރާއާއި، ރިއަލް އެސްޓޭޓް، އަދި އިމާރާތްކުރުމުގެ މެޓީރިއަލްސްގެ ހޯލްސޭލް ވިޔަފާރީގައި މިހާރުވެސް މުހިންމު ދައުރެއް އަދާކުރަމުން އަންނަ ބިލްޑްޓެކްގެ އެހީގައި ޓުޒި ކާސާގެ ފަރުނީޗަރު އުފެއްދުމުގެ ފުޅާ ތަޖުރިބާ ދިވެހީންގެ އެންމެ އާދައިގެ މީހާއިން ފެށިގެން ވިޔަފާރިތަކަށް ލިބޭނޭ މަގު ބިލްޑްޓެކްއިން މިވަނީ ފަހިކޮށްދީފައެވެ. އަދި ބޭންކު މެދުވެރިކޮށް މަހުން މަހަށް ފައިސާ ދައްކާ ހަލާސް ކުރެވޭގޮތުގެ ޕެކޭޖް މެދުވެރިކޮށްވެސް ބިލްޑްޓެކްގެ މިސާވިސް ލިބޭނޭކަމަށް އެވެ.