ހައިރާންކަން ؛ އިތިއޯޕިއާގެ އަލިފާން ފަރުބަދަ 12،000 އަހަރުފަހުން ގޮވައިފި

ސައިންސްވެރިން ބުނެފައިވާ ގޮތުގައި މި ހާދިސާއަކީ ވަރަށް އާދަޔާ ހިލާފު ކަމެއް ކަމަށާއި، މި ސަރަޙައްދުގެ އަލިފާން ފަރުބަދަތަކުގެ ހަރަކާތްތައް އަދިވެސް އެހާ ބޮޑަށް ދިރާސާ ކުރެވިފައި ނުވާ ކަމަށެވެ.

އިތިއޯޕިއާގެ ހައިލީ ގުއްބީ އަލިފާން ފަރުބަދަ ގޮވާ މަންޒަރު ފެންނަ ސެޓެލައިޓް ފޮޓޯއެއް

އިތިއޯޕިއާގެ ހައިލީ ގުއްބީ އަލިފާން ފަރުބަދަ 12،000 އަހަރުފަހުން ގޮވުމުން ސައިންސްވެރިންނަށް ހައިރާންކަން ލިބިއްޖެ އެވެ. 

އިތިއޯޕިއާގެ އުތުރުގައި ގިނަ ދުވަސްތަކެއް ވަންދެން އެއްވެސް ހަރަކާތެއް ނިޝާނެއް ނެތް، މި އަލިފާން ފަރުބަދައަކުން ކުއްލިއަކަށް އަޅިތައް ނުކުންނަން ފަށައި ގޮވުމުގެ ސަބަބުން އޭގެ އަޅިތައް ރަތް ކަނޑު ހުރަސްކޮށް ޔަމަނަށާއި އޮމާނަށް ވަނީ ފެތުރިފަ އެވެ. މި އަލިފާން ފަރުބަދައަކީ އިތިއޯޕިއާގެ އަފާރު ސަރަހައްދުގައި، ވެރިރަށް އެޑިސްއަބާބާ އާ ގާތްގަނޑަކަށް 800 ކިލޯމީޓަރު ނުވަތަ (500 މޭލު) ހުޅަނގު ހުންނަ ފަރުބަދަ އެކެވެ. 

މި ފަރުބަދަ އޮންނަ އިތިއޯޕިއާގެ އަފާރު ސަރަހައްދުގެ ރައްޔިތަކު ބުނިގޮތުގައި މި ފަރުބަދަ ގޮވުން އިހުސާސް ކުރެވެނީ ކުއްލިއަކަށް ބޮމެއް ގޮވުން ފަދަ ބާރުގަަދަ އަޑުފަށްގަނޑެކެވެ. 

ގުއްބީ އަލިފާން ފަރުބަދަ ގޮވުންވީ ސައިންސްވެރިން ހައިރާން ކުރުވި ކަމަކަށެވެ. ސައިންސްވެރިން ބުނެފައިވާ ގޮތުގައި މި ހާދިސާއަކީ ވަރަށް އާދަޔާ ހިލާފު ކަމެއް ކަމަށާއި، މި ސަރަޙައްދުގެ އަލިފާން ފަރުބަދަތަކުގެ ހަރަކާތްތައް އަދިވެސް އެހާ ބޮޑަށް ދިރާސާ ކުރެވިފައި ނުވާ ކަމަށެވެ. ނަމަވެސް ސައިންސްވެރިންނަށް މީގެ ކުރިން ވެސް މި ފަރުބަދަ އަލިފާން ނިކުންނާނެކަމުގެ ނިޝާންތަކެއް ފެންނަ ކަމަށް ބުނެފަ އެވެ. 

މި އަލިފާން ފަރުބަދަ ގޮވުމުގެ ސަބަބުން ގިނަ އަދަދެއްގެ ދުން ވަނީ މައްޗަށް އަރައިގެން ގޮސް 14 ކިލޯމީޓަރަށް (ނުވަ މޭލަށް) ފެތުރިފަ އެވެ. 

އަލިފާން ފަރުބަދަ ގޮވުމާއެކު އިންޑިއާވެސް ވަނީ ކުއްލި ނުރައްކަށް ގެނެސްފަ އެވެ. މީގެ ސަބަބުން އިންޑިއާގެ ވައިގެ ސަރަހައްދަށް އަޅިފެތުރި ގެއްލުންވެދާނެ ކަމަށް ބަލައި ވަނީ ސަމާލު ވާން އަންގާފަ އެވެ. އަދި ޕާކިސްތާނުވެސް ވަނީ މިކަމަށް ސަމާލުވާން އަންގާފަ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.