މަސް ގަތް އަދަދު މައްޗަށް | މަހުގެ އެކްސްޕޯޓް 104 މިލިއަން ޑޮލަރަށް
މިދިޔަ އަހަރު މަހުގެ އެކްސްޕޯޓް ހުރީ 64.4 މިލިއަން ޑޮލަރުގަ އެވެ. ނަމަވެސް މި އަހަރު މި އަދަދު ވަނީ 62 ޕަސެންޓުގެ އިތުރުވުމަކާއެކު 104.5 އަށް މައްޗަށް ޖެހިލާފަ އެވެ.
މަސްވެރިންގެ އަތުން މަސް ގަތް އަދަދު މިދިޔަ އަހަރާ އަޅާބަލާއިރު 75.9 ޕަސެންޓް އިތުރުވެ، ރާއްޖޭން 104 މިލިއަން ޑޮލަރު (އެއް ބިލިއަން ރުފިޔާ) ގެ މަސް އެކްސްޕޯޓްކޮށްފި އެވެ.
މޯލްޑިވްސް މަނިޓަރީ އޮތޯރިޓީގެ ރަސްމީ ހިސާބު ކަރުދާސްތަކުން އެނގޭ ގޮތުގައި މިދިޔަ އަހަރުގެ ސެޕްޓެމްބަރު މަހުގެ ނިޔަލަށް މަސްވެރިންގެ އަތުން ގަނެފައިވާ މަހުގެ މިންވަރު ހުރީ 39,684.5 މެޓްރިކް ޓަނުގަ އެވެ. ނަމަވެސް މިއަހަރު މި އަދަދު ވަނީ 69,786.4 މެޓްރިކް ޓަނަށް އުފުލި 75.9 ޕަސެންޓް އިތުރުވުވުމެއް ލިބިފަ އެވެ.
މަސް ގަތް މިންވަރު މަތިވުމުގެ ނަތީޖާއަކީ ރާއްޖޭން މަސް އެކްސްޕޯޓް ކުރި މިންވަރުވެސް މަތިވެގެން ދިއުމެވެ. މިގޮތުން މިދިޔަ އަހަރު މަހުގެ އެކްސްޕޯޓް ހުރީ 64.4 މިލިއަން ޑޮލަރުގަ އެވެ. ނަމަވެސް މި އަހަރު މި އަދަދު ވަނީ 62 ޕަސެންޓުގެ އިތުރުވުމަކާއެކު 104.5 އަށް މައްޗަށް ޖެހިލާފަ އެވެ.
މަހުގެ ބާވަތްތައް ގަތް މިންވަރު
- ކަޅުބިލަ މަސް - މި އަހަރު 58,768.7 | މިދިޔަ އަހަރު 31,207.4 (88.3%)
- ކަންނެލި - މި އަހަރު 10,699.8 | މިދިޔަ އަހަރު 8,273.8 (29.3%)
މިއަހަރާއި މިދިޔަ އަހަރާ ދެމެދު ރާއްޖޭގައި ކަޅުބިލަމަހާއި ކަންނެލި ގަތް އަދަދަށް ބަލާއިރު، ކަޅު ބިލަމަހުގެ އަގު އެވްރެޖުކޮށް ހުރީ ކިލޯއެއް 14ރ. ގަ އެވެ. އަދި ކަންނެލި ކިލޯއެއް ހުރީ 67.8 ގަ އެވެ.
މަސް ގަންނަ އަދަދު އިތުރުވެފައިވަނީ މަސްވެރިންނަށް ބަރާބަރަށް ފައިސާ ދޭން ފެށުމުންނެވެ. ވެރިކަން ބަދަލުވިއިރު މިފްކޯ އިން މަސްވެރިންނަށް ނުދީ ހުރި ފައިސާގެ އަދަދު 250 މިލިއަން ރުފިޔާ އަށް އަރަ އެވެ. މި އަދަދަށް ނުދީހުރި ފައިސާގެ މިންވަރު މަތިވެފައިވަނީ މަސް ގަންނަ އަދަދު ކިލޯއެއް 25ރ. އަށް ބޮޑު ކުރުމުންނެވެ. މި ބޮޑު ކުރުމާއެކު ޕްރައިވެޓް ކުންފުނިތަކަށް ގެއްލުންވެ މަސް ގަތުން ހުއްޓިގެން ދިޔަ އެވެ. ނަމަވެސް ބީއެމްއެލް އިން ހެދި ހާއްސަ އިންތިޒާމެއްގެ ދަށުން މަސްވެރިންނަށް 48 ގަޑިއިރު ތެރޭ މިހާރު ފައިސާދެ އެވެ.
ކޮމެންޓް
Republic of Maldives