އިޒްރާއިލުން ހަމަލާދީ ހިޒްބުﷲގެ އިސް ކޮމާންޑަރު އަވަހާރަކޮށްލައިފި

ތަބާތަބާއީ އަކީ 2024 ވަނަ އަހަރުގެ ނޮވެމްބަރު މަހު ހަނގުރާމަ ހުއްޓާލުމަށް އެއްބަސްވުމަށް ފަހު އިޒްރޭލުން މަރާލި ހިޒްބުގެ އެންމެ އިސް ކޮމާންޑެވެ.

އިޒްރޭޅުން ލުބުނާންއަށް ހަމަލާދިން އިމާރާތުގައި މީހުން ތާށިވެފައި -- ފޮޓޯ : އޭޕީ

އިޒްރޭލާއި ލުބުނާންއާ ދެމެދުވެފައިވާ އެއްބަސްވުމާ ހިލާފުވެ، ހިޒްބުﷲ ގެ އިސް ކޮމާންޑަރު ހައިޘަމް ޢަލީ ތަބާތަބާއީ އަވަހާރަކޮށްލައިފި އެވެ. 

އަލްޖަޒީރާއިން ބުނީ  ޢަލީ ތަބާތަބާއީ އަަވަހާރަކޮށްލީ އިޒްރޭލުގެ ވައިގެ ހަމަލާއެއް ލުބުނާނުގެ ވެރިރަށް ބެއިރޫތުގެ ދާޙިޔާ ސަރަހައްދުގައި ހިމެނޭ ހާރެތު ޙުރެއިކްގެ އެޕާޓްމެންޓް ބްލޮކަކަށް އަމާޒުކޮށް ދިނުން ހަމަލާއެއްގަ އެވެ. ހަމަލާގައި ތަބާތަބާއީގެ އިތުރުން ފަސް މީހުން މަރުވެ، 28 މީހުން ޒަހަމްވެފައިވެ އެވެ. 

ލުބުނާނުގެ ނޭޝަނަލް ނިއުސް އެޖެންސީން ބުނި ގޮތުގައި އެޕާޓްމެންޓް އިމާރާތަށް ދެ މިސައިލް ދީފައިވެ އެވެ. 

ތަބާތަބާއީ އަކީ 2024 ވަނަ އަހަރުގެ ނޮވެމްބަރު މަހު ހަނގުރާމަ ހުއްޓާލުމަށް އެއްބަސްވުމަށް ފަހު އިޒްރޭލުން މަރާލި ހިޒްބުގެ އެންމެ އިސް ކޮމާންޑެވެ. އޭނާ އުފަންވެފައިވަނީ 1968 ވަނަ އަހަރު ބެއިރޫތުގައި، ލުބުނާނީ މަންމައަކާއި އީރާނުގެ ރައްޔިތެކެވެ. އޭނާ ހިޒްބުﷲ އާ ގުޅިވަޑައިގަތީ އުމުރުން އެންމެ 12 އަހަރުގަ އެވެ. 

މި ހަަމަލާއާ ގުޅިގެން ހިއްﷲ އިން ބުނެފައިވާ ގޮތުގައި އިޒްރޭލުން ވަނީ ރެޑް ލައިން" ހުރަސް ކޮށްފަ އެވެ. ހިޒްބުﷲގެ އިސް އޮފިޝަލް މަޙްމޫދު ޤުމާތީ ވިދާޅުވީ އިޒްރޭލުން ދިން މި ހަމަލާ އަކީ ރަތް ރޮނގު" ހުރަސްކުރި ކަމެއް ކަމަށާއި، މިކަމަށް ރައްދު ދިނުމާމެދު ލީޑަޝިޕުން ވިސްނަން ފަށާފައިވާ ކަމަށެވެ. 

ހަމަލާއާ ގުޅިގެން ލުބުނާނުގެ ރައީސް ޖޯސެފް އައުން ވަނީ އިޒްރޭލުގެ ހަމަލާތައް ހުއްޓުވުމަށް ބައިނަލްއަޤްވާމީ މުޖުތަމަަށް ވަރުގަދަ އަދި ސީރިއަސް ފިޔަވަޅުތަކެއް އަޅަން އެދިފަ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.