ރިސޯޓްތަކުން ހަކަތަ ބޭނުންކުރާ މިންވަރުގެ މައުލޫމާތު އެއްކުރަނީ
ޓޫރިޒަމް މިނިސްޓްރީން ބުނީ ސާކިއުލާއެއްގައި ބުނީ 2028 ވަނަ އަހަރުގެ ނިޔަލަށް ރާއްޖޭގައި އުފަދާ ހަކަތައިގެ 33% އިޔާދަކުރަނިވި ހަކަތައަށް ބަދަލު ކުރަން ކަނޑައަޅާފައިވާ ލަނޑުދަނޑި ހާދިސް ކުރަން ބައެއް މައުލޫމާތު ބޭނުންވެ އެވެ.
ރާއްޖޭގެ ރިސޯޓްތަކުގައި ހަކަތަ ބޭނުންކުރާ މިންވަރުގެ މައުލޫމާތު ޓޫރިޒަމް މިނިސްޓްރީއަށް ފޯރުކޮށްދޭން އެދިއްޖެ އެވެ.
ޓޫރިޒަމާއި ތިމާވެއްޓާ ބެހޭ މިނިސްޓްރީން ނެރެފައިވާ ސާކިއުލާއެއްގައި ބުނީ 2028 ވަނަ އަހަރުގެ ނިޔަލަށް ރާއްޖޭގައި އުފަދާ ހަކަތައިގެ 33 ޕަސެންޓް އިޔާދަކުރަނިވި ހަކަތައަށް ބަދަލު ކުރަން ކަނޑައަޅާފައިވާ ލަނޑުދަނޑި ހާދިސް ކުރަން ބައެއް މައުލޫމާތު ބޭނުންވެ އެވެ. މިގޮތުން ރިސޯޓްތަކުގައި ކަރަންޓް އުފައްދާ މިންވަރާއި އިޔާދަ ކުރަނިވި ހަކަތަ ބޭނުން ކުރާ މިންވަރުގެ މައުލޫމާތު ފޯރުކޮށްދޭން ވަނީ އެދިފަ އެވެ.
ސަރުކާރުން މަސައްކަތް ކުރަމުން ގެންދަނީ ދައުލަތުގެ ބަޖެޓުގައި މަތިވަމުންދާ ހަކަތައިގެ ހަރަދު ދަށް ކުރުމަށެވެ. އިމްޕޯޓު ކުރާ ތެލުގެ މިންވަރު ދަށް ކުރަން ކުރަމުން ގެންދާ މަސައްކަތުގެ ދަށުން ގިނަ ފިޔަވަޅުތަކެއް އަޅަން ވަނީ ނިންމާފަ އެވެ.
ރާއްޖޭގެ ބައެއް ރިސޯޓުތަކުގައި ދުވަހުގެ ބޮޑުބައެއް ސޯލާއިން ދަނީ ހިންގަމުންނެވެ. މިގޮތުން ރާއްޖޭގެ ކްރައުން އެންޑް ޗަމްޕާ ރިސޯޓްސް (ސީސީއާރު) އިން އއ. އަތޮޅުގައި ހިންގާ ވެލިގަނޑު މޯލްޑިވްސް ރިސޯޓުގައި ދުވާލަކު 8 ގަޑިއިރު އަވިން ކަރަންޓު އުފައްދަން ވަނީ ފަށާފަ އެވެ،
ކޮމެންޓް
Republic of Maldives