މަގުމަތިން ފުލުހުންގެ އެހީއަށް އެދުނު އަންހެނަކަށް ހުރީ ޖިންސީ ގޯނާ ކޮށްފައި
"ހޮސްޕިޓަލުން ބެލުމަށްފަހު އޭނާއަށް ޖިންސީ އަނިޔާ ލިބިފައިވާ ކަމަށް ތުހުމަތު ކުރެވިގެން ރޭގެ [އާދީއްތަ ދުވަހުގެ ރޭ] ވަގުތެއްގައި ފުލުހުންނަށް މައުލޫމާތު ދީފައިވޭ،" ފުލުހުން ބުންޏެވެ.
ހޮސްޕިޓަލަށް ގެންގޮސްދިނުމަށް މަގުމަތިން ފުލުހުންގެ އެހީތެރިކަމަށް އެދުނު 24 އަހަރުގެ އަންހެނަކަށް ޖިންސީ ގޯނާ ކޮށްފައި ހުރިކަން އެނގިއްޖެ އެވެ.
ފުލުހުން ރޭ ބުނީ މިދިޔަ އާދީއްތަ ދުވަހުގެ ހަވީރުގެ ވަގުތެއްގައި މާލޭ މަގުމަތިން ފުލުހުންގެ އެހީތެރިކަމަށް އެދުނު އަންހެނަކު އައިޖީއެމްއެޗަށް ގެންގޮސްދީފައިވާ ކަމަށެވެ.
"ހޮސްޕިޓަލުން ބެލުމަށްފަހު އޭނާއަށް ޖިންސީ އަނިޔާ ލިބިފައިވާ ކަމަށް ތުހުމަތު ކުރެވިގެން ރޭގެ [އާދީއްތަ ދުވަހުގެ ރޭ] ވަގުތެއްގައި ފުލުހުންނަށް މައުލޫމާތު ދީފައިވޭ،" ފުލުހުން ބުންޏެވެ.
ފުލުހުން ބުނީ މި މައްސަލަ ވަރަށް ސީރިއަސް މައްސަލައެއްގެ ގޮތުގައި ތަހުގީގު ކުރަމުންދާ ކަމަށެވެ. އަދި އަނިޔާ ލިބިފައިވާ ފަރާތަށް ބޭނުންވާ ސިއްހީ ފަރުވާ އާއި ސައިކޯސޯޝަލް އެހީތެރިކަން ފޯރުކޮށްދެމުންދާ ކަމަށެވެ.
މި މައްސަލައިގައި އަނިޔާ ލިބުނު އަންހެން މީހާ، ގޭންގު ރޭޕް ކޮށްފައިވާ ކަމުގެ ތުހުމަތުތައް ސޯޝަލްމީޑިއާގައި ދަނީ ކުރަމުންނެވެ. ނަމަވެސް ފުލުހުން އެކަމާ ގުޅޭ އެއްވެސް މައުލޫމާތެއް ނުދެ އެވެ.
ކޮމެންޓް
Republic of Maldives