އެމްއެމްއޭގެ ލަފައެއް | ޓޫރިސްޓުންގެ ސްޓޭ އެބަ ދައްވޭ، ސީދާ ފްލައިޓް އިތުރު ކުރަން ޖެހޭ
އެމްއެމްއޭއިން ވަނީ ޓޫރިޒަމްގެ އެވްރެޖު ސްޓޭ ދަށްވަމުންދާތީ، ޓޫރިޒަމްގެ މައިގަނޑު ސޯސް މާކެޓުތަކުގެ ޑިމާންޑް އިތުރު ކުރުއެކު ޒަމާނީ ޓެކްނޮލޮޖީގެ އެހީގައި މާކެޓިން ސްޓްރެޓެޖީތައް އިތުރަށް ހަރުދަނާ ކުރުން މުހިންމުކަން ފާހަގަކޮށްފަ އެވެ.
ރާއްޖޭގައި ޓޫރިސްޓުން މަޑުކުރާ މުއްދަތު ނުވަތ އެވްރެޖު ސްޓޭ ދަށްވަމުންދާތީ، މާކެޓިން ވަރުގަދަކޮށް ބޭރު ގައުމުތަކަށް އޮންނަ ސީދާ ދަތުރުތައް އިތުރު ކުރަން މަރުކަޒީ ބޭންކް (އެމްއެމްއޭ) އިން ލަފާ ދީފި އެވެ.
އެމްއެމްއޭގެ ލަފާގައިވާ ގޮތުން ޓޫރިޒަމްގެ އެވްރެޖު ސްޓޭ ދަށްވަމުންދާތީ، ޓޫރިޒަމްގެ މައިގަނޑު ސޯސް މާކެޓުތަކުގެ ޑިމާންޑް އިތުރު ކުރުއެކު ޒަމާނީ ޓެކްނޮލޮޖީގެ އެހީގައި މާކެޓިން ސްޓްރެޓެޖީތައް އިތުރަށް ހަރުދަނާ ކުރުން މުހިންމުކަން ފާހަގަކޮށްފައިވެ އެވެ. މީގެ އިތުރުން އޭވިއޭޝަން ދާއިރާ ފުޅާކޮށް އެހެން ގައުމުތަކާއެކު އޮންނަ ޑިރެކްޓް ކަނެކްޓިވިޓީ އިތުރު ކުރުމަކީ މުހިންމުކަމެއް ކަމަށް ބުނެފައިވެ އެވެ.
އެމްއެމްއޭ އިން ބުނެފައިވާ ގޮތުގައި ޓެކުހުގެ ސިޔާސަތުތައް ހަރުދަނާ ކުރަން ޓެކުހުގެ ގާނޫނަށް ހުށަހަޅާފައިވާ އިސްލާހުތައް ވީއެންމެ އަވަހަށް ފާސް ކުރަން ވެސް ލަފާ ދީފައިވެ އެވެ. މީގެ އިތުރުން ޓެކްސް ދައްކާ ފަރާތްތަކުގެ ކޮމްޕެއިންސް އިތުރު ކުރަން މީރާގެ އޮޑިޓް ކެޕޭސިޓީ އިތުރު ކުރަން އެދިފައިވެ އެވެ.
އެމްއެމްއޭގެ ލަފާ ކުރުކޮށް
- 2026 ގެ ބަޖެޓުގައި އާމްދަނީ އިތުރު ކުރަން އޮތީ ޓެކްސް ދެއްކުން ހަރުދަނާކޮށްގެން، އެހެންވީއިރު ދުނިޔެއަށް އަންނަ ލޮޅުމެއްގެ ސަބަބުން ފައިނޭންސިން ބޭނުންވާ މިންވަރު އިތުރުވުމުގެ ފުރުސަތު އޮތުން
- ޓޫރިޒަމް މުހިންމު މާކެޓުތައް ހޯދައި ޑައިރެކްޓް ފްލައިޓް އިތުރު ކުރުން
- ސަބްސިޑީ ރިފޯމް ކުރުން (ޑައިރެކްޓް ސަބްސިޑީއަށް ދިއުން)
- ކުންފުނިތައް އެފިޝެންޓް ނުކުރެވިއްޖެނަމަ ސަބްސިޑީ ހަރަދު އިތުރުވުން ގާތް
- އެސްއޯއީތަކުގެ ކެޕިޓަލް އިތުރުވުމުގެ ހިރާސް އެބައޮތް
- ސަރުކާރު ކުންފުނިތަކުގެ އެފިޝެންސީ އެސެސް ކުރަން ޖެހޭ
- ދަރަންޏަށް ބަރޯސާވާ މިންވަރު ކުޑަކުރަން ދައުލަތުގެ ހަރަދު ކުޑަ ކުރަން ޖެހޭ
- ޕީއެސްއައިޕީ ހަރަދު ހިންގޭނީ ފައިނޭންސިން ހޯދައިގެން
- ރާއްޖޭގެ ރޭޓިން ރަނގަޅު ކުރަން މެދު ރާސްތާގައި ދަރަނި ކުޑަ ކުރަން ޖެހޭ
- ޕީއެސްއައިޕީއަށް ކޮންސިޝަނަލް ފައިނޭންސިން އަދި ގްރީން ފައިނޭންސިން ހޯދުން
- ޕީއެސްއައިޕީ މަޝްރޫއުތަކަކީ ދިގު ރާސްތާގައި އިގްތިސޯދީ ކުރިއެރުމާއި ތިމާވެއްޓަށް މުހިންމު މަޝްރޫއުތަކެއްކަން ޔަގީން ކުރުން
- 2026 އެޕްރީލްގައި ދައްކަން ޖެހޭ އާސްކޫކް އަދި ބޮންޑެއް ވިއްކުން އަވަސް ކުރުން
- 2026 ގެ ދަރަނި ދައްކަން ސޮވްރިން ފަންޑުގައި ފައިސާ ބެހެއްޓުމުގެ ގޮތުން އޭޑީސީ އެއްކޮށް ޖަމާ ކުރަން ލަދާދިން
- ސޮވްރިން ފަންޑުން ބަޖެޓު ފައިނޭންސިންނަށް ފައިސާ ނުނަގަން ލަފާ ދިން
- ޑޮމެސްޓިކް މާކެޓިން ފައިނޭންސިން އިތުރު ކުރަން ގާނޫނުތައް ބަދަލު ގެނައުމާއެކު ސެކިއުރިޓީ ސިސްޓަމް ލައިވް ކުރަން ލަފާ
- އެކްސްޓާނަލީ ލިބޭ ފައިނޭންސިންއިން 600 މިލިއަން ޑޮލަރުގެ ދަރަނި ދައްކަން އިސްކަން ދޭން ލަފާ ދިން
- ފައިނޭންސިން ނުލިބިއްޖެނަމަ ހަރަދުތައް ޕްރައިވެޓައިޒްކޮށް ފައިނޭންސިން ހޯދާ މިންވަރު މަދުކުރަން ލަފާދިން
އާމްދަނީއާމެދު ކަންބޮޑުވުމެއް - އިތުރަށް ބުނެފައިވާ ގޮތުގައި 2026 ވަނަ ރިކަރަންޓް ހަރަދަކީ އާމްދަނީ ނުހިމަނައި އާމްދަނީގެ 99 ޕަސެންޓް ކަމަށާ އެހެންކަމުން ބަޖެޓު ކުރި އަދަދަށްވުރެ ބޮޑަށް ރިކަރަންޓް ހަރަދު ދިއުން ނުވަތަ ލަފާކޮށްފައިވާ ވަރަށް އާމްދަނީ ނުލިބިއްޖެނަމަ ބަޖެޓް ޑެފިސިޓް އިތުރުވުން ގާތް ކަމަށް ބުނެފައިވެ އެވެ. މީގެ އިތުރުން ޕޭހާމައިނައިޒް ކުރަން ނިންމާފައިވުމުގެ ސަބަބުން 2026 ގެ ބަޖެޓުގައި އެންމެ ބޮޑު ހޭދައެއް ކުރަން ޖެހެނީ ރިކަރަންޓް ހޭދައަށް ކަމަށް ބުނެފައިވެ އެވެ.
އަދި މިކަމުގެ ސަބަބުން ރިކަރަންޓް ހަރަދު އިތުރުވެ ސަރުކާރުން އިތުރަށް ފައިނޭންސް ހޯދަން ޖެހުމުގެ ފުރުސަތު އޮތްކަން ފާހަގަކޮށްފައިވެ އެވެ. އަދި އިތުރުން މުވައްޒަފުންގެ މުސާރަ އެއްފަހަރާ ބޮޑުކޮށްފިނަމަ މިހާރު ލަފާކޮށްފައިވާ ވަރަށްވުރެ މުދަލުގެ އަގު ބޮޑުވުމާއި ބާޒާރުގައި ބޭރު ފައިސާ އަށް އޮތް ޑިމާންޑް އިތުރުވުން ގާތެވެ. މިކަމުގެ ސަބަބުން ދިވެހި ރުފިޔާގެ އެކްސްޗޭންޖް ރޭޓަށް ކުރާ އަސަރު ބޮޑުވުމުގެ ފުރުސަތު އެބައޮތެވެ.
އެމްއެމްއޭ އިން މީގެ އިތުރުން ބުނެފައިވާ ގޮތުގައި ތިން އަހަރުތެރޭ ރާއްޖޭގެ ދަަރަނި މިހާރު ހުރިވަރަށްވުރެ ކުޑަ ކުރަން މަސައްކަތް ކުރަން ޖެހޭ ކަމަށާ މިކަން ހާސިލް ކުރަން މެދުރާސްތާގެ ފިސްކަލް ސިޔާސަތު ތަކެއް ކަނޑައަޅަން ލަފާ ދީފައިވެ އެވެ.
ކޮމެންޓް
Republic of Maldives