ޑަބްލިއުޓީއެމް ފެއާ | ލިވަޕޫލް ހޯދި ރަން ތަށި ރާއްޖޭގެ ސްޓޭންޑަށް
މިމަހުގެ 6-4 ގެ ނިޔަލަށް ލަންޑަންގައި ކުރިއަށް ދިޔަ ދުނިޔޭގެ ޓޫރިޒަމްގެ އެންމެ ބޮޑު މި ހަރަކާތުގައި ހުރި ރާއްޖޭގެ ސްޓޯލްގައި ބެހެއްޓި އެލްއެފްސީ ޒޯންގައި ހުރި ފޭން ޒޯންއަށް ގިނަ ބައެއްގެ ތަރުހީބު ލިބިގެން ދިޔަ އެވެ.
ރާއްޖެ އާއި ދުނިޔޭގެ އެންމެ މަޝްހޫރު ފުޓުބޯޅަ ކްލަބް ލިވިޕޫލް އެފްސީއާ ދެމެދު ރާއްޖެ އިސްތިހާރު ކުރަން ހެދި އެއްބަސްވުން ވީ މިފަހުން ރާއްޖެ އިސްތިހާރު ކުރަން ލިބުނު ރަނުގެ ފުރުސަތަކަށެވެ. މި ފުރުސަތުގެ ދަށުން ލިވަޕޫލް އާއި ވިޒިޓް މޯލްޑިވްސް އިން ގިނަ ހަރަކާތްތަކެއް ހިންގަމުން ގެންދާއިރު މިފަހުން ފެނިގެން ދިޔަ އެންމެ ފުރިހަމަ ހަރަކާތަކީ ލަންޑަންގައި ކުރިއަށް ދިޔަ ޑަބްލިއުޓީއެމް ފެއާގައި ލިވަޕޫލްއިން ހޯދި ތަށި ދައްކާލަން ބެހެއްޓުމެވެ.
މިމަހުގެ 6-4 ގެ ނިޔަލަށް ލަންޑަންގައި ކުރިއަށް ދިޔަ ދުނިޔޭގެ ޓޫރިޒަމްގެ އެންމެ ބޮޑު މި ހަރަކާތުގައި ހުރި ރާއްޖޭގެ ސްޓޯލްގައި ބެހެއްޓި އެލްއެފްސީ ޒޯންގައި ހުރި ފޭން ޒޯންއަށް ގިނަ ބައެއްގެ ތަރުހީބު ލިބިގެން ދިޔަ އެވެ. އަދި އެތައް ހާސް ބަޔަކު ވަނީ މި ފެއާގައި ބަހައްޓާފައި ހުރި ސްޓޭންޑަށް ގޮސް ފޮޓޯ ނަގާފަ އެވެ.
ރާއްޖޭގެ ރީތި އަދި ދުނިޔޭގެ ފެންވަރުގެ މެހުމާންދާނީ ފެނިގެންދާ ރާއްޖޭގެ ސްޓޭންޑުގައި ގިނަ ބައްދަލުވުންތަކެއް ޓޫރިޒަމް ސިނާއަތުގެ އެކި ކުންފުނިތަކުން ވަނީ ކުރިއަށް ގެންގޮސްފަ އެވެ.
ރާއްޖޭން ލިވަޕޫލްއާއެކު ކުރިއަށް ގެންދާ މާކެޓިން ހަރަކާތްތަކުގައި ދުނިޔޭގެ އެތައް މިލިއަން ބަޔަކަށް ދަނީ ރާއްޖޭގެ ބްރޭންޑިން ފެންނަމުންނެވެ. މިގޮތުން ލަންޑަންގެ ބިމުއަޑީގެ ދަތުރުފަތުރުގެ ނިޒާމުތަކުގައިވެސް ރާއްޖެ އިސްތިހާރުކޮށްފައިވެ އެވެ.
ކޮމެންޓް
Republic of Maldives