މެރިއޮޓްގެ އޮޓޮގްރާފް ކަލެކްޝަންގެ ރިސޯޓެއް ހުޅުވައިފި

ރާއްޖޭގައި ގިނަ އަދަދެއްގެ ރިސޯޓް ހިންގާ މެރިއޮޓް ކުންފުނިން އޮޓޯގްރާފް ކަލެކްޝަންގެ ފުރަތަމަ ރިސޯޓް ރާއްޖޭގައި ހުޅުވައިފި އެވެ. 

ހޮޓެލްގެ މަޝްރޫއުތަކުގެ މައުލޫމާތު ގެނެސްދޭ ޓޮޕް ހޮޓެލް ޕްރޮޕަޓީއިން ބުނި ގޮތުގައި މެރިއަޓް ބޮންވޯއި ޕޯޓްފޯލިއޯގެ ބައެއް ކަމަށްވާ "އޮޓޮގްރާފް ކަލެކްޝަން ހޮޓެލްސް" އިން ވަނީ ރާއްޖޭގައި އެ ބްރޭންޑްގެ ފުރަތަމަ ރިސޯޓް ކަމަށްވާ ދަ ހަލްސިއަން ޕްރައިވެޓް އައިލްސް މޯލްޑިވްސް އޮޓޮގްރާފް ކަލެކްޝަން' ހުޅުވަން ދަނީ ތައްޔާރު ވަމުންނެވެ. 

މި ރިސޯޓަކީ ރާއްޖޭގައި އޮޓޮގްރާފް ކަލެކްޝަން ބްރޭންޑް ތަޢާރަފުކުރި ފުރަތަމަ ފަހަރެވެ.މި ރިސޯޓުގައި ދެ ޕްރައިވެޓް އައިލެންޑް ހިމެނެ އެވެ. މިއީ ވެލާނާ އިންޓަރނޭޝަނަލް އެއާޕޯޓް (މާލެ) އިން ސީޕްލޭންގައި ގާތްގަނޑަށް 90 މިނެޓުން ދެވޭ އެވެ. 

މި ރިސޯޓަށް "ހަލްސިއަން" މި ނަން ދީފައިވަނީ ގްރީކްގެ މިތޮލޮޖީގައި އަންނަ އަލްސިއޯންގެ ވާހަކައެއްގެ މައްޗަށެވެ. މި ނަމުން ރަމްޒުކޮށްދެނީ އަމާންކަމާއި ހިތްހަމަޖެހުމުގެ ދުވަސްވަރެކެވެ. މި ރިސޯޓް ފަރުމާކޮށްފައިވަނީ 19 ވަނަ ގަރުނުގެ ދަތުރުވެރިޔާ އެޗްސީޕީ ބެލް ގެ ވާހަކަތަކުން ހިޔާލު ހޯދައިގެންނެވެ. އޭގެ ފަރުމާގައިވާ ހުޅުވާލެވިފައިވާ ތަންތަނާއި ގުދުރަތީ މާއްދާތަކާއި އަޅި-ނޫ ކުލަތަކުން ވަށައިގެންވާ ކަނޑުގެ ރީތިކަމާއި އެތެރޭގެ ޑިޒައިން ގުޅުވައިދެ އެވެ.

އޮޓޮގްރާފް ކަލެކްޝަން ހޮޓެލްސް އަކީ މެރިއަޓް ބޮންވޯއިގެ ޕޯޓްފޯލިއޯގެ ތެރޭގައި ހިމެނޭ ވަރަށް ހާއްސަ ބްރޭންޑެކެވެ.