ޖޭއެސްސީގެ މެމްބަރުކަމަށް ހުސްނީ މުބާރިކް އައްޔަނުކޮށްފި
މިއަދު ރައީސް އޮފީހުގައި ބޭއްވި ރަސްމިއްޔާތެއްގައި ހުސްނީ ވަނީ މެންބަރު ކަމުގެ ހުވާ ކުރައްވައި، އިގުރާރުގައި ސޮއިކުރައްވާފަ އެވެ. ޖޭއެސްސީގެ މެންބަރު ކަމުގެ ލިޔުން ހުސްނީއާ ހަވާލުކޮށްދެއްވީ ރައީސް ޑރ. މުހައްމަދު މުއިއްޒެވެ.
ޖުޑީޝަލް ސާވިސް ކޮމިޝަން (ޖޭއެސްސީ)ގެ މެންބަރުކަމަށް، ރައްޔިތުންގެ މަޖިލީހުގެ މަނަދޫ ދާއިރާގެ މެންބަރު ހުސްނީ މުބާރިކް މިއަދު އައްޔަނު ކޮށްފި އެވެ.
ޖޭއެސްސީގެ މެންބަރު ކަމަށް ހުސްނީ އައްޔަނު ކުރީ އެ ކޮމިޝަންގެ ރައީސް ކަމުންނާއި މެންބަރު ކަމުން މާފުށި ދާއިރާގެ މެންބަރު ހުސައިން ރިޒާ އިސްތިއުފާ ދެއްވުމުންނެވެ.
މިއަދު ރައީސް އޮފީހުގައި ބޭއްވި ރަސްމިއްޔާތެއްގައި ހުސްނީ ވަނީ މެންބަރު ކަމުގެ ހުވާ ކުރައްވައި، އިގުރާރުގައި ސޮއިކުރައްވާފަ އެވެ. ޖޭއެސްސީގެ މެންބަރު ކަމުގެ ލިޔުން ހުސްނީއާ ހަވާލުކޮށްދެއްވީ ރައީސް ޑރ. މުހައްމަދު މުއިއްޒެވެ.
ޖޭއެސްސީގެ މެންބަރު ކަމަށް ހުސްނީ އައްޔަނު ކުރުމަށް މަޖިލީހުން ފާސްކޮށްފައި ވަނީ މިދިޔަ ހޯމަ ދުވަހު ބޭއްވި ޖަލްސާގަ އެވެ. އެގޮތަށް ފާސްކޮށްފައި ވަނީ 58 މެމްބަރުންގެ އިއްތިފާގުންނެވެ.
ހުސްނީ ޖޭއެސްސީއަށް ވަޑައިގަންނަވާތީ އޭނާ މުގައްރިރުކަން ކުރައްވާ ޖުޑިޝަރީ ކޮމެޓީގެ މުގައްރިރަކަށް މިހާރު ވަނީ ހޮޅުދޫ ދާއިރާގެ ޕީއެންސީގެ މެންބަރު އަބްދުއްސައްތާރު މިއަދު އިންތިހާބުކޮށްފަ އެވެ.
ކޮމެންޓް
Republic of Maldives