ރާއްޖެއަށް 8،000 ޓޫރިސްޓުން އައި ދުވަހެއް | ޓޫރިޒަމް ސީޒަންގެ ބޭރުން ރެކޯޑެއް

މިދިޔަ ތިން މަސް ތެރޭ އެންމެ ގިނައިން ޓޫރިސްޓުން އައި ދުވަހާއެކު، އެއް ދުވަސް މަތީން ރާއްޖެއަށް 8،000 އަށްވުރެ ގިނަ ޓޫރިސްޓުން ޒިޔާރަތްކޮށްފި އެވެ. 

ޓޫރިސްޓުން އަންނަ އަދަދު އިތުރުވަމުންދާއިރު، މިދިޔަ އާދީއްތަ ދުވަހު ރާއްޖެއަށް ޒިޔާރަތް ކުރި ޓޫރިސްޓުންގެ އަދަދު ކަމަށްވާ 8,132 އަކީ މިފަހުން އެންމެ ގިނައިން އެއް ދުވަހެއްގެ މައްޗަށް ޓޫރިސްޓުން އައި ދުވަހަށް ވަނީ ވެފަ އެވެ. މިއީ މި އަހަރުގެ ޖެނުއަރީގެ ފަހުން ޑެއިލީ ޓޫރިސްޓް އެރައިވަލް 8،000 އެރި ފުރިހަމަ ދުވަހެވެ. 

އެހެންވެ މިއީ ޕީކް ސީޒަނުން ބޭރުން އެންމެ ގިނައިން ޓޫރިސްޓުން އައި ދުވަހަށް ވަނީ ވެފަ އެވެ. މި އަހަރުގެ މިހާތަނަށް ބަލާއިރު އެންމެ ގިނަ ޓޫރިސްޓުން އައި މަަހަކީ ޖެނުއަރީ މަހު އެވެ. އެ މަހު 214,863 ޓޫރިސްޓުންނަށް ރާއްޖެ މަރުހަބާ ކިޔާފައިވެ އެވެ. 

މި އަހަރުގެ މިހާތަނަށް އެންމެ ގިނައިން ޓޫރިސްޓުން އައިސްފައި ވަނީ ޗައިނާއިންނެވެ. އެ ގައުމުން 291,573 ޒިޔާރަތްކޮށްފައިވެ އެވެ. 

ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން މި އަހަރުގެ މިހާތަނަށް މިހާރު 1.8 މިލިއަން ޓޫރިސްޓުން ވަނީ އައިސްފަ އެވެ. ސަރުކާރުން އަންދާޒާކޮށްފައިވާ ގޮތުގައި މި އަހަރު 2.3 މިލިއަން ޓޫރިސްޓުން އަންނާނެ އެވެ.