ސްޓެލްކޯ އާ ޕްލާންޓުން ދިއްފުއްޓަށް ފެން ދީފި

ރާއްޖޭގެ ގިނަ ރަށްތަކަށް ކަރަންޓުގެ ހިދުމަތް ދެމުން ގެންދާ ސްޓެލްކޯއިން ކ. ދިއްފުށީގައި ގާއިމް ކުރި ފެނުގެ ނިޒާމް އިފްތިތާޙު ކޮށްފި އެވެ. 

ރައީސް ޑރ. މުޙައްމަދު މުޢިއްޒު، ކ. އަތޮޅުގެ ރަށްރަށަށް މިހާރު ކުރައްވަމުންގެންދަވާ ދަތުރުފުޅުގެ ތެރެއިން މިއަދު ކ. ތުލުސްދޫގައި ބޭއްވި ރަސްމިއްޔާތެއްގައި ސްޓެލްކޯއާ ހަވާލުކޮށްގެން އެ ރަށުގައި ޤާއިމްކޮށްފައިވާ ފެނުގެ ނިޒާމް ވަނީ އިފްތިތާހުކޮށްފ އެވެ.

މި މަސައްކަތަކީ މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާއިން ސްޓެލްކޯއާ ހަވާލުކޮށްގެން ކޮށްފައިވާ މަސައްކަތެކެވެ. މި މަޝްރޫޢު އިފްތިތާޙްކުރުމަށް މިއަދު ބޭއްވި ރަސްމިއްޔާތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ އަރިހުގައި ސްޓެލްކޯގެ މެނޭޖިން ޑިރެކްޓަރު އަޙްމަދު ޝަމާޙް ރަޝީދު އާއި ކުންފުނީގެ އިސްވެރިން ބައިވެރިވެވަޑައިގެންނެވި އެވެ.

މި މަޝްރޫއުގެ ދަށުން ދިއްފުށީގައި  200 ޓަނުގެ 2 އާރުއޯ ޕްލާންޓް ބަހައްޓައި 1400 ޓަނުގެ 2 އާރުއޯ ޓޭންކް
އަދޮ 1200 ޓަނުގެ އެއް އާރުޑަބްލިއު ޓޭންކް ބަހައްޓާފައިވެ އެވެ. އަދި 17،336 މީޓަރުގެ ނެތްވާކް ލައިން އަަޅާފައިވާއިރު
މި މަޝްރޫޢުގެ ދަށުން ފެނުގެ ޚިދުމަތް ދެވުނު ގޭގެ އަދަދު 350 އަށް އަރާނެ އެވެ. 

ސްޓެލްކޯ އިން މިއަދު ވަނީ ދިއްފުށީގައި އާ އިންޖީނުގެއެއް ވެސް ހުޅުވާފަ އެވެ.