ދާރުލްއާސާރުގެ ކުނިތައް އުކައިލީ ގާނޫނާއި ގަވާއިދާ އެއްގޮތަށް: މިނިސްޓަރު
އެ ކުނިތައް އުކާލިއިރު، އެތަނުގައި ހުރި އެއްވެސް ތަރިކައެއް ނައްތާލެވިފައި ނުވާކަމުގެ ޔަގީންކަން މިނިސްޓަރު މިއަދު ދެއްވި އެވެ.
މި ސަރުކާރުން ވެރިކަމާ ހަވާލުވުމަށްފަހު، ދާރުލްއާސާރުގައި ހުރި ގިނަ އަދަދެއްގެ ކުނިތައް އުކާލާފައިވަނީ، އެކަމަށް ކަނޑައެޅިފައިވާ ގާނޫނާއި ގަވާއިދާ އެއްގޮތަށް ކަމަށް ހެރިޓޭޖް މިނިސްޓަރު އާދަމް ނަސީރު ވިދާޅުވެއްޖެ އެވެ.
ދާރުލްއާސާރުގެ އެތެރެ އިތުރަށް ރަނގަޅުކުރަން މަސައްކަތް ފެށިއިރު 12 ލޮރީގެ ކުނި ދާރުލްއާސާރުން ބޭރުކުރިކަމަށް މިނިސްޓަރު ވިދާޅުވެފައިވާއިރު، އުކާލީ ސައްހަ ތަކެތިތޯ ސާފުކުރަން، ތޮއްޑޫ ދާއިރާގެ މެންބަރު ހުސައިން ސަމީރު ވަނީ މިނިސްޓަރާ ސުވާލު ކުރައްވައިފަ އެވެ.
އެ ސުވާލަށް، މަޖިލީހުގެ މިއަދުގެ ޖަލްސާގައި ޖަވާބު ދެއްވަމުން މިނިސްޓަރު ވިދާޅުވީ، އުކައިލި ތަކެތި އެއީ ކުނި ކަމަށް ކަނޑައަޅާފައި ވާނީ މާލިއްޔަތު ގާނޫނާ އެއްގޮތަށް ކަމަށެވެ.
"ކުނި ކަމަށް ކަނޑައަޅަންޖެހޭ ތަކެތި އެއީ ނައްތައިލަންޖެހޭ ކުނި ކަމަށް ކަނޑައަޅާފައިވާނީ ގާނޫނު ނަންބަރު ގާނޫނު ނަންބަރު 3/2006 ދައުލަތުގެ މާލިއްޔަތު ގާނޫނާއި އެ ގާނޫނުގެ ދަށުން އެކުލަވައިލެވިފައިވާ ގަވާއިދާއި ދައުލަތުގެ މުދާ އެއް އޮފީހުން އަނެއް އޮފީހަށް ބަދަލު ކުރުމާއި ބާވެ ހަލާކުވެގެން ނުވަތަ ބޭނުން ކުރެވެން ނެތް މުދާ ނީލަން ކިޔުމާއި ނައްތައިލުމުގައި އަމަލު ކުރާނެ އުސޫލާ އެއްގޮތްވާ ގޮތުގެ މަތިން،" އާދަމް ނަސީރު ވިދާޅުވި އެވެ.
އަދި އެ ކުނިތައް އުކާލިއިރު، އެތަނުގައި ހުރި އެއްވެސް ތަރިކައެއް ނައްތާލެވިފައި ނުވާކަމުގެ ޔަގީންކަން މިނިސްޓަރު މިއަދު ދެއްވި އެވެ.
ކޮމެންޓް
Republic of Maldives