ހަތް ހާސް ޓޫރިސްޓުންގެ ދުވަހެއް | އިންޑިއާއިން ލައްކައެއް
މި މަހުގެ މިހާތަނަށް ބަލާއިރު ރާއްޖެއަށް 107,088 ޓޫރިސްޓުން އައިސްފައިވެ އެވެ. މިއީ މިދިޔަ އަހަރު އައި 92,627 ޓޫރިސްޓުންގެ އަދަދާ ބަލާއިރު 15.6 ޕަސެންޓުގެ އިތުރުވުމެކެވެ.
ޑެއިލީ އެރައިވަލްސް ނުވަތަ ދުވާލެއްގެ މައްޗަށް އަންނަ ޓޫރިސްޓުންގެ އަދަދު 7،000 އަށްވުރެ މައްޗަށް އުފުލުނު ދުވަހާކާއެކު، އިންޑިއާ ޓޫރިސްޓުންގެ އަދަދު އެއް ލައްކަށް އަރައިފި އެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން އިއްޔެގެ ނިޔަލަށް ރާއްޖެއަށް 1.74 މިލިއަން ޓޫރިސްޓުން ވަނީ ޒިޔާރަތްކޮށްފަ އެވެ. އަދި އިއްޔެ 7،000 ޓޫރިސްޓުން ރާއްޖެއަށް ޒިޔާރަތްކޮށްފައިވާއިރު، 2023 ވަނަ އަހަރު ރާއްޖެއަށް އެންމެ ގިނައިން ޓޫރިސްޓުން އައި އިންޑިއާގެ ޓޫރިސްޓުންގެ އަދަދު ވަނީ 100,596 އަށް އިތުރުވެފަ އެވެ. މިހާރު އެ ގައުމުން ދަނީ ރާއްޖެ އަންނަ ޓޫރިސްޓުންގެ 5.8 ޕަސެންޓް ހިއްސާ ކުރަމުންނެވެ.
އެންމެ ގިނައިން ޓޫރިސްޓުން އަންނަ ގައުމުތައް
- ޗައިނާ - 284,933
- ރަޝިއާ - 213,851
- ޔޫކޭ - 152,884
- ޖަރުމަނީ - 126,892
- އިޓަލީ - 116,705
- އިންޑިއާ - 100,596
- ޔޫއެސްއޭ - 50,529
- ފްރާންސް - 44,859
- ސްޕެއިން - 42,280
- އޮސްޓްރޭލިއާ - 33,319
މި އަހަރު ޓޫރިސްޓުންގެ އަދަދު އިތުރުވަމުން އެންމެބޮޑަށް ދަނީ ޗައިނާ އެވެ. އެ ގައުމުން 284,933 ޓޫރިސްޓުން އައިސްފައިވެ އެވެ. އަދި ދެވަނާގައި އޮތީ ރަޝިއާ އެވެ. އެ ގައުމުން 213,851 ޓޫރިސްޓުން އައިސްފައިވެ އެވެ.
މި މަހުގެ މިހާތަނަށް ބަލާއިރު ރާއްޖެ އަށް 107,088 ޓޫރިސްޓުން އައިސްފައިވެ އެވެ. މިއީ މިދިޔަ އަހަރު އައި 92,627 ޓޫރިސްޓުންގެ އަދަދާ ބަލާއިރު 15.6 ޕަސެންޓުގެ އިތުރުވުމެކެވެ.
މިދިޔަ އަހަރަކީ ރާއްޖޭގެ ޓޫރިޒަމަށް ކާމިޔާބު އަހަރެކެވެ. މިދިޔަ އަހަރު ދެ މިލިއަން ޓޫރިސްޓުން ޒިޔާރަތްކޮށްފައިވެ އެވެ. މި އަހަރު 2.3 މިލިއަން ޓޫރިސްޓުން ގެނައުމަކީ ސަރުކާރުގެ އަމާޒެކެވެ.
ކޮމެންޓް
Republic of Maldives