ހުޅުދޫ ޑަކް ޕާކުގައި ދޫނިތަކާއި މަސްތައް މަރުވި މައްސަލަ ފުލުހުން ބަލަން ފަށައިފި
އެ ފެންގަނޑަށް ބަޔަކު ވިހައެއް އެޅި ކަމުގެ ތުހުމަތު ދަނީ ކުރެވެމުންނެވެ.
ހުޅުދޫ ޑަކް ޕާކުގައި ދޫނިތަކާއި މަސްތައް މަރުވެފައި. --ފޮޓޯ: އެފްބީ
އައްޑޫ ހުޅުދޫގައި އޮންނަ ޑަކް ޕާކުގައި ދޫނިތަކާއި މަސްތައް މަރުވި މައްސަލަ ފުލުހުން ބަލަން ފަށައިފި އެވެ.
މީގެ ދެ އަހަރެއްހާ ދުވަސް ކުރިން ހެދި އެ ޕާކުގައި އުޅޭ ދޫނިތަކާއި އެތަނުގައި އޮންނަ ފެންގަނޑުގައި އުޅޭ މަސްތައް މަރުވެފައިވާކަން ފާހަގަކުރެވިފައިވަނީ މިދިޔަ ބުރާސްފަތި ދުވަހު އެވެ.
އެއާ އެކު، އެ ފެންގަނޑަށް ބަޔަކު ވިހައެއް އެޅި ކަމުގެ ތުހުމަތު ދަނީ ކުރެވެމުންނެވެ.
ފުލުހުން މިއަދު ބުނީ، ހުޅުދޫ ޑަކް ޕާކުގައި އުޅޭ އަސްދޫނިތަކާއި ދިރުންތައް މަރުވާ މައްސަލަ، ކަމާ ގުޅުންހުރި އިދާރާތަކާ ގުޅިގެން ބަލަމުން އަންނަ ކަމަށެވެ.
ނަމަވެސް، އެކަމާ ގުޅޭ އިތުރު ތަފްސީލެއް ފުލުހުން އަދި ނުދެ އެވެ. އެހެންކަމުން މި މައްސަލާގައި މީހަކު ހައްޔަރުކުރި ކަމެއް އަދި ނޭނގެ އެވެ.
ކޮމެންޓް
0
Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
Republic of Maldives
© 2025 Mi. All rights reserved.