ދިވެހި އިންވެސްޓްމަންޓް ޕާޓްނާސްގެ ފަންޑު ތައާރަފުކޮށް، އިންވެސްޓް ކުރަން ފުރުސަތު
ދިވެހި އިންވެސްޓްމަންޓް ނަފާ ފަންޑު، ދިނަފް އަކީ ދިވެހިރާއްޖޭގެ ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީ) އިން ލައިސަންސް ލިބިގެން ހިންގާ، ދިވެހިރާއްޖޭގެ ފުރަތަމަ ކުރު މުއްދަތުގެ އިންވެސްޓްމަންޓް ވެހިކަލް އެވެ.
ދިވެހި އިންވެސްޓްމަންޓް ޕާޓްނާސް (ޑިޕް) ގެ ދިވެހި އިންވެސްޓްމަންޓް ނަފާ ފަންޑް ތައާރަފުކޮށް، އިންވެސްޓް ކުރަން ފުރުސަތު ހުޅުވާލައިފި އެވެ.
ރާއްޖޭގެ މާލީ އަދި ވިޔަފާރީގެ ދާއިރާގެ ފުންނާބުއުސް ގިނަ ފަރާތްތަކެއް ހިމެނޭ ޑިޕް ކުންފުނީގެ އިންވެސްޓްމަންޓް ނަފާ ފަންޑް (ދިނަފް) ތައާރަފުކުރީ ބާސެލޯ ނަސަންދުރަ ޕެލަސް ހޮޓެލްގައި މިއަދު ބޭއްވި ހަފުލާއެއްގަ އެވެ.
ދިވެހި އިންވެސްޓްމަންޓް ނަފާ ފަންޑު، ދިނަފް އަކީ ރާއްޖޭގެ ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީ) އިން ލައިސަންސް ލިބިގެން ހިންގާ، ރާއްޖޭގެ ފުރަތަމަ ކުރު މުއްދަތުގެ އިންވެސްޓްމަންޓް ވެހިކަލް އެވެ. މިއީ ކަލެކްޓިވް އިންވެސްޓްމަންޓް ސްކީމް ގެ ދަށުން ހިންގާ އޯޕަން-އެންޑެޑް ޕްރައިވެޓް ފަންޑެކެވެ.
ފަންޑުގެ މައުލޫމާތު ކުރުކޮށް
- ފަންޑުގެ ނަން : ދިވެހި އިންވެސްޓްމަންޓް ނަފާ ފަންޑު
- މެނޭޖްކުރާ ފަރާތް : ދިވެހި އިންވެސްޓްމަންޓް ޕާޓްނާސް
- ފަންޑުގެ މަގުސަދު : ކުރު މުއްދަތުގައި ފައިދާ ބޮޑު އިންވެސްޓްމަންޓް ފުރުސަތުތަކަށް އަމިއްލަ ފަރާތްތަކުގެ ކެޕިޓަލް މާކެޓުން ހުޅުވާލުން
- އިންވެސްޓްކުރާ ދާއިރާތައް : ޓޫރިޒަމް، ރިއަލް އެސްޓޭޓް، އިންފްރާސްޓްރަކްޗާ ވިޔަފާރީގެ ފައިނޭންސް އަދި ޓްރޭޑް
- މި ފަންޑުގެ މުހިންމުކަން : ބޭންކު ލޯނުތަކުގެ މައްޗަށް ބަރޯސާވެފައިވާ މާލީ ބާޒާރުގައި އިންވެސްޓްމަންޓްގެ އާ ފުރުސަތުތަކެއް ހުޅުވާލައި ފައިނޭންސްގެ ދަތިކަމަށް ހައްލު ހޯދުން
މި ފަންޑުން ވަނީ އިންވެސްޓަރުންނަށް 15 މިލިއަންގެ ޑެޓް އިންސްޓްރޫމަންޓްސް ޕްރައިވެޓް ޕްލޭސްމަންޓްގެ ދަށުން ނެރެން ނެރެން ނިންމާފަ އެވެ.
އިންވެސްޓްމަންޓުން ފައިދާ ބެހިފައިވާ ގޮތް
- 6 މަސް - % 10.50 (އަހަރަކަށް)
- 12 މަސް % 11.00 (އަހަރަކަށް)
- 2 އަހަރު % 11.50 (އަހަރަކަށް)
- 3 އަހަރު % 12.00 (އަހަރަކަށް)
- މިނިމަން އިންވެސްޓްމަންޓް : 50،000ރ.
ޑިޕް އަކީ ފަންޑުގެ މެނޭޖަރުގެ ގޮތުގައި ރަސްމީކޮށް ހަމަޖައްސާފައިވާ ފަރާތެވެ. މި ކުންފުނީގެ ބޯޑާއި ސީނިއަ މެނޭޖްމަންޓް ޓީމަކީ ފައިނޭންސް އަދި ބޭންކިން އާއި އިންޝުއަރަންސް އަދި ރާއްޖޭގެ މުހިންމު އެހެނިހެން ދާއިރާތަކުގައި ފުޅާ ތަޖުރިބާ ހުރި ބަޔެކެވެ. މި ކުންފުނީގެ ޗެއާމަންއަކީ އެލައިޑުގެ ކުރީގެ އެމްޑީ އަހުމަދު އަމީލް އެވެ. އަދި އެމްޑީއަކީ ކުރީގެ ގަަވަރުނަރު އަހުމަދު ނަސީރު އެވެ. މީގެ އިތުރުން ތިއްބެވި ބޭފުޅުންގެ ތެރޭގައި އެލައިޑުގެ ކުރީގެ އެމްޑީ އަހުމަދު އަމީލް އާއި އިސްލާމިކް ފައިނޭންސް އާއި ޓޫރިޒަމް އަދި މީޑިއާ ދާއިރާގެ ތަޖުރިބާކާރު ޑރ. ހުސެއިން ސަނީ އުމަރު ހިމެނިވަޑައިގަނެ އެވެ.
ކޮމެންޓް
Republic of Maldives