ދާއިމީ ބައްޔެއް ތަހައްމަލު ކުރަމުންދާ މީހުންނަށް އަވަހަށް ޕެންޝަން ފައިސާ ލިބޭ އިސްލާހެއް
ފައިސާ ދިނުމުގެ އިޖުރާއަތުތައް އަވަސްކުރުމުގެ ގޮތުން ޕެންޝަން ފައިސާ ހޯދަން ހުށަހަޅާ ތާރީހުން ފެށިގެން 30 ދުވަހުގެ ތެރޭގައި ފައިސާ ދޫކުރަން ޖެހޭނެ ގޮތަށް ލާޒިމު ކުރަން ވެސް އިސްލާހުގައި ވެ އެވެ.
ދާއިމީ ބައްޔަކަށް ފަރުވާ ހޯދަންޖެހޭ ހާލަތެއް މެދުވެރިވާ މީހުންނަށް، 65 އަހަރުވުމުގެ ކުރިން ޕެންޝަން ފައިސާ ލިބޭގޮތަށް، ގާނޫނަށް އިސްލާހެއް ހުށަހަޅައިފި އެވެ.
ޕެންޝަނާބެހޭ ގާނޫނަށް، ގަލޮޅު އުތުރު ދާއިރާގެ އެމްޑީޕީ މެމްބަރު މުހައްމަދު އިބްރާހީމް (ކުޑޫ) މަޖިލީހަށް އެ އިސްލާހު ހުށަހެޅުއްވީ ދާއިމީ ބަލިތަކަށް ބޭސްފަރުވާ ކުރަން ޕެންޝަން ފައިސާ ކުރިން ލިބޭނެ މަގު ތަނަވަސްކޮށްދީ، ކްލެއިމް ކުރުމުގެ އިޖުރާއާތުތައް ފަސޭހަކުރުމަށް ބަދަލުތަކެއް ގެނައުމަށެވެ.
އެ އިސްލާހު ހުށަހެޅުއްވީ "ޓާމިނަލް އިލްނެސް" ތަހައްމަލު ކުރަންޖެހޭ މީހެއް ކަމަށް ކަށަވަރު ކޮށްދޭ މެޑިކަލް ސެޓްފިކެޓް އެ މީހެއްގެ އުމުރާއި މަސައްކަތްކުރި އަހަރުތަކަށް ބެލުމެއް ނެތި ޕެންޝަންގެ ފައިދާ ވީހާ ވެސް އަވަހަށް ލިބޭނެ ގޮތް ހެދުމަށް ކަމަށް ކުޑޫ ވިދާޅުވި އެވެ.
ފައިސާ ދިނުމުގެ އިޖުރާއަތުތައް އަވަސްކުރުމުގެ ގޮތުން ޕެންޝަން ފައިސާ ހޯދަން ހުށަހަޅާ ތާރީހުން ފެށިގެން 30 ދުވަހުގެ ތެރޭގައި ފައިސާ ދޫކުރަން ޖެހޭނެ ގޮތަށް ލާޒިމު ކުރަން ވެސް އިސްލާހުގައި ވެ އެވެ.
މިހާރު އަމަލުކުރަމުން އަންނަ ގާނޫނުގައި ހުރި އުނި ކަންކަމުގެ ތެރޭގައި ވަނީ ކުޑޫ ފާހަގަކުރެއްވީ ދާއިމީ ބަލި ތަހައްމަލުކުރާ މީހުންނާ ގުޅޭ ގޮތުން ސާފުކޮށް ބަޔާންކޮށްފައިވާ މާއްދާތަކެއް ވެސް އެ ގާނޫނުގައި ނުހިމެނޭ ކަމެވެ.
ކޮމެންޓް
Republic of Maldives