އޮގަސްޓް މަހު އަގު ދަށްވީ ކަރަންޓު ބިލް، މަތިވީ މޭވާ
މިދިޔަ އޮގަސްޓް މަހު ރާއްޖޭގެ ޖުމްލަ އިންފްލޭޝަން % 0.36 ޕަސެންޓު އުފުލެއް ފާހަގަވިއިރު ހިދުމަތުގެ އަގުތައް އެންމެ ދަށަށް ގޮސްފައިވަނީ ކަރަންޓު އެވެ.
މިދިޔަ އޮގަސްޓް މަހު ރާއްޖޭގެ ޖުމްލަ އިންފްލޭޝަން 0.36 ޕަސެންޓު އުފުލެއް ފާހަގަވިއިރު ހިދުމަތުގެ އަގުތައް އެންމެ ދަށަށް ގޮސްފައިވަނީ ކަރަންޓުގެ އަގު އެވެ.
ތަފާސް ހިސާބުގެ އިދާރާ، މޯލްޑިވްސް ބިއުރޯ އޮފް ސްޓެޓިސްޓިކްސް (އެމްބީއެސް) ގެ ކޮންސިއުމާ ޕްރައިސް އިންޑެކްސް (ސީޕީއައި) ދައްކާ ގޮތުން މިދިޔަ އޮގަސްޓް މުޅިރާއްޖޭގައި ހިދުމަތާއި ތަކެތީގެ އަގުތައް އުފުލުން ހުރީ ޖުލައި މަހާ އަޅާބަލާއިރު 0.36 ޕަސެންޓްގަ އެވެ. އަދި މިދިޔަ އަހަރުގެ އޮގަސްޓް މަހާ އަޅާ ކިޔާނަމަ ހުރީ 4.14 ޕަސެންޓް އުފުލުމެއްގަ އެވެ. އަދި މާލެ ވަކިން ބަލާނަމަ ހުރީ 3.20 ޕަސެންޓްގަ އެވެ. އަދި އަތޮޅުތަކުގައި ހުރީ 5.59 ޕަސެންޓްގަ އެވެ.
އަގު އުފުލުނު ބާވަތްތައް
- މޭވާ - 3.91% +
- ތަރުކާރީ - 2.19% +
- މޮބައިލް ކޮމިއުނިކޭޝަން - 0.44% +
- ކާނާގެ ބާވަތްތައް - 0.61% +
- ހަކުރު، ޖޭމް ، މާމުއި، ޗޮކްލެޓް - 0.67% +
- ކިރާއި ބިސް - 0.25% +
ކަރަންޓު ބިލްތަކުގެ އަގުތައް ދަށް
މިދިޔަ މަހު އެންމެ ބޮޑަށް އަގުތައް ދަށަށް ގޮސްފައިވަނީ ކަރަންޓު ބިލްތަކުގެ އެވެ. މިބައިން 2.11 ޕަސެންޓްގެ ދަށްވުމެއް ފާހަގަވެ އެވެ. އަދި އެއްގަމު މަހުގެ ބައިން 0.29 ޕަސެންޓް ދަށްވެފައިވެ އެވެ. އަދި ހައުސްހޯލްޑް އެޕްލަޔަންސުގެ ބައިން ވެސް 0.10 ޕަސެންޓްގެ އުފުލުމެއް އައިސްފައިވެ އެވެ. މީގެ އިތުރުން ފެނުގެ އަގުވެސް ވަނީ 0.08 ޕަސެންޓް ދަށްވެފަ އެވެ.
ކޮމެންޓް
Republic of Maldives