ޑަބްލިއުޑީސީތަކުގެ ބަޖެޓު 10 ޕަސެންޓަށް ބޮޑުކުރަނީ
ދެވަނަ ބަދަލަކީ ކޮމެޓީގެ މެންބަރުންނަށް ދޭ ރޯދަ މަހުގެ އިނާޔަތް، އެ ކޮމިޓީގެ ބަޖެޓުން ދިނުމުގެ ބަދަލުގައި ކައުންސިލްގެ ބަޖެޓުގެ ތެރެއިން ހަމަޖެއްސުމެވެ.
އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކަށް ކައުންސިލްތަކުގެ ބަޖެޓުން ކަނޑައަޅާ ޕަސެންޓް ބޮޑުކުރަން ނިންމަވާފައިވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ އަންހެނުންގެ ތަރައްގީއަށް މަސައްކަތްކުރާ ކޮމިޓީތައް އިތުރަށް ބާރުވެރި ކުރުވުމަށްޓަކައި، އަންނަ އަހަރަށް ލަފާކުރާ ބަޖެޓު ހުށަހެޅުމުގެ ކުރިން، ދެ ބަދަލެއް ގެނައުމަށް ނިންމަވާފައިވާ ކަމަށެވެ.
އެއް ބަދަލަކީ އެ ކޮމިޓީގެ ބަޖެޓުގެ ގޮތުގައި، ކައުންސިލްގެ ބަޖެޓުން ދެމުން ގެންދާ ފަސް ޕަސެންޓް ދެ ގުނައަށް ބޮޑުކުރުމެވެ. އެގޮތުން އެ ކޮމެޓީތަކަށް 10 ޕަސެންޓްގެ ބަޖެޓެއް ލިބޭނެ އެވެ.
ދެވަނަ ބަދަލަކީ ކޮމެޓީގެ މެންބަރުންނަށް ދޭ ރޯދަ މަހުގެ އިނާޔަތް، އެ ކޮމިޓީގެ ބަޖެޓުން ދިނުމުގެ ބަދަލުގައި ކައުންސިލްގެ ބަޖެޓުގެ ތެރެއިން ހަމަޖެއްސުމެވެ.
އަންހެނުންގެ ތަރައްގީ އަށް މަސައްކަތްކުރާ ކޮމިޓީތަކުގެ މެމްބަރުންނަށް އެލަވަންސް ދިނުމުގެ ބަދަލުގައި ރަސްމީ މުސާރަ އާއި ރޯދަ މަހުގެ އިނާޔަތް ލިބޭ ގޮތަށް ބަދަލުކުރެއްވީ ރައީސް މުއިއްޒެވެ. މީގެ ކުރިން މެންބަރުންނަށް ލިބެމުން ދިޔައީ މުސާރައިގެ ބަދަލުގައި އެލަވަންސެކެވެ.
ކޮމެންޓް
Republic of Maldives